Page 55 - MIN JUS

Dos muher Latino kedando na Palm Beach a wordo atraca
den nan cas di vakantie

Sunday, 23 April 2017 09:25
Comparti

Diasabra anochi pa 22:44, central di polis a haya yamada pa un atraco. Na yegada a tende cu pa mas of menos 21:30
un atraco a tuma lugar na un cas na Palm Beach. Polis di Noord a presenta na e cas y ta bin compronde cu dos hende
muhe kedando na e cas a wordo atraca pa tres homber. Dos di nan tabata tin cara tapa y e otro no . Tur tres cu arma
di candela .

E atracadornan a drenta e cas y a mara e dos muhenan stranhero cu ductape y a hincanan den un camber di e cas. E
tres atracadornan a bai cu $5000,- , celularnan, pañanan y kedsnan nobo . E atracadornan a huy den un auto chikito
y parse scur. Diferente unidad di polis a cuminsa di biaha cu un buskeda pa wak si por topa cu e malechornan aki.
Atraco team a presenta pa cuminsa cu investigacion. Polis tecnico tambe a presenta y departamento di
slachtofferhulp pa asina guia e señoranan cu a pasa den un susto. Ken cu por a wak algo yama tiplijn di polis 11141.
Durante nos presencia a papia cu ambos victima y nan a splica cu nan tabata sinta den sofa. Nan a mira e auto para
pafo y djey e atracadornan a pasa via un bentana cu tabata habri. Eynan a mandanan den camber. Ora cu tur cos a
caba, nan a logra libera nan mes y core bay afo bati alarma na un fiesta andando. Asina a logra haya telefon fia y
notifica autoridad. E momento mas cu 35 minuut a pasa caba. E muhenan ta uno Venezolano y uno Dominicano. E
Dominicano a bisa cu ta prome bishita na Aruba y lo ta ultimo tambe. No ta conoci ki ofishi nan tin pasobra ta basta
dollars nan tabata tin den nan poder. E keds cu a horta mes bal riba 400 dollar. Un di e muhernan ta sospecha un
taxista pirata cu sa hibanan aki aya y cu sa e movecion di nan of placa cu nan sa tin. Mientrastanto durante cu tabata
investigando a drenta melding cu tiro ta cay na Alto Vista. Polis a bay riba e tanki y rond di e kapel. Tambe a core den
cierto hanchinan di santo. A topa cu algun hende cu a splica di a scucha tiro tambe. Un buskeda intensivo no a yuda
pa topa cu e auto of esnan cu a tira.