Page 57 - MIN JUS

E kiermen ta pa su propio uso: Ambtenaar Gilbert Croes
tabata tin cosecha di Marihuana y Cocaina den cas na

Sabanila Abou

Saturday, 22 April 2017 21:05
Comparti

E caso di detencion na Sabanilla Abou a capta basta atencion diabierna. E caso aki sigur lo por haya un
rabo basta largo.

E sospechoso aki Gilbert "Gibi" Croes tabata traha den otro area cual pa motibo di movecionnan dudoso
mester a move. E lo tabata traha na KIA aparentemente y di eynan tabata gobierno e tempo aya cu a
move mirando cu caminda e tabata no tin confianza den dje mas. El a bay traha controlador di
supermercado na Departamento di Economische Zaken. E tabata move cu auto di Dienst tambe. Ora cu e
detencion a cay e tabata tin tambe e auto di Dienst hunto cune. Di eynan ora Atraco Team a haci e
detencion a bay over na listra tambe den e cas. Esey ta un proceso normal pasobra ta buscando evidencia
y cosnan necesario den e investigacion riba Atraco Arma na Hulp Bestuurskantoor na Savaneta. Tambe
lo trata na saca afo si ta mesun grupo a purba riba e Hulp Bestuurskantoor na Santa Cruz. Esey tabata
algun siman prome. Despues cu Atraco Team a drenta e cas y detene Gilbert Croes, a haya e cantidad di
alrededor 70 mata dii Marihuana. Segun Gilbert Croes ta droga pa su propio uso. A haya tambe cocaina.
Ta sospeche tambe di ta envolvi den benta di droga. A notifica e departamernto di droga mesora cu a
presenta y a tuma over e parti di investigacion relaciona cu droga. Ya caba den e caso di atraco, cual ta
sopsecha Gilbert Croes,tin tambe otro cinco sospechoso deteni. Poco poco ta resolviendo mayoria di e
atraconan arma cometi y esaki ta danki na e trabou fuerte cu autoridad den Atraco Team ta haciendo.