Page 60 - MIN JUS

Husticia cu wowo skerpi riba eleccion na Corsou diabierna
awor

Sunday, 23 April 2017 14:24
Comparti

E siman aki Ministerio Publico (OM) di Corsou ta extra alerta relaciona cu eleccion di 28 di april 2017. Diabierna ta
tene eleccion na Corsou pa Parlamento di Corsou. Ta den interes di Corsou y ciudadanonan di Corsou pa e contenido
democratico di e eleccion ta mas halto posibel.

Ta esencial pa e eleccion tuma luga di e forma di mas honesto posibel. Ministerio Publico ta bay actua na momento
cu OM ricibi señal di posibel compra y/of benta di voto.

Soborno of intento di soborno di e derecho di voto ta castigabel conforme articulo 2:44 di Codigo Penal di Corsou. Di
soborno of intento di soborno ta papia ora ta priminti of duna un regalo.

Un resultado puro di eleccion ta di importancia esencial den un comunidad democratico. Por logra esaki solamente
si cada un ta liber pa vota riba e partido di su escogencia y por tene su voto secreto. Mesora cu un votado ta laga
soborna su mes dor di vota riba un partido politico specifico of un persona politico, no por papia mas di un eleccion
liber. Ministerio Publico ta bay investiga tur señal di soborno. Ademas ta bay investiga tur señal di intimidacion,
menasa, desorden publico prome, durante y despues di eleccion.

Ministerio Publico ta para pa un eleccion liber sin obstaculo; si resulta necesario ta envolvi Landsrecherche Curaçao
pa haci investigacion.

Conseho Supremo Electoral ta prohibi sacamento di potret den urna. Ta castigabel si un potret di un papel di vota
(stembiljet) ta wordo uza pa cumpra of bende voto. OM ta adverti cu den tur e casonan aki ta inicia un investigacion
y ta persigui esaki. Cada un ciudadano cu ta ser acerca of sa di soborno, intento di soborno, intimidacion y/of
menasa of a ser acerca ta ser yama pa duna e informacion aki via telefon 917 of anonimo via 108 pa garantisa cu ta
investiga e señal nan aki.

Articulo penal relaciona cu soborno durante eleccion:
1.Hij die bij gelegenheid van een krachtens wettelijk voorschrift uitgeschreven verkiezing door gift of belofte iemand
omkoopt om zijn of eens anders kiesrecht hetzij niet, hetzij op bepaalde wijze uit te oefenen, wordt gestraft met
gevangenisstraf van ten hoogste twee jaren of geldboete van de vierde categorie.
2. Met ten hoogste dezelfde straf wordt gestraft de kiezer of de gemachtigde van een kiezer die zich door gift of
belofte tot een of ander laat omkopen.