Page 18 - AWEMAINTA

18 AWEMainta Diaranson, 14 December 2016

Mester kita for di e pensamento robes di “Altura ta nos cultura”

Minister Arthur Dowers ta sostene campaña “Amigo DIDI”

Den un esfuerso pa preveni stuurmento bou influencia di alcohol

“SOSTENIENDO y re-enforsando e pensamento y esfuerso pa
combati y conscientisa comunidad di e peliger di maluzo of abuso di
alcohol den trafico, mi a acepta e invitacion y uni mi mes n’e atardi
aki pa confirma mi posicion riba e tema aki.
Alcohol y Trafico no ta bay cu otro”, asina mr. drs. Arthur Dowers,
Minister di Husticia, a duna di conoce na ocasion di lansamento
oficial di e campaña di FADA y Fundacion Zinnia: “Amigo DIDI”.

Un yamada un bes mas ta bay na comunidad pa tene bon na cuenta
cu e escogencia di no stuur bou influencia di alcohol por haci/lo
haci e diferencia dramatico entre bida of morto no solamente di bo
persona pero di otro completamente inocente.
Entre otro fundacion FADA a presenta campañanan di prevencion
masha exitoso, cu ta haci esaki cu ayudo di hendenan activo y din-
amico cu ta hiba e mensahenan importante na comunidad.

“Un di e prioridadnan cu mi a pone for di comienso ta pa yega na
reduci e riesgo den trafico cu ta diverso riba su mes.
Biniendo di cifranan haltisimo di accidentenan fatal a concentra riba
campañanan di prevencion di uzo di alcohol den trafico cu a trece
cune hopi critica, pero a lucha pa baha y desvia e pensamento robes
di cu na Aruba altura ta nos cultura, cu porcierto ta palabranan y
pensamento cu lamentablemente a bin di Minister di Husticia an-
terior”, asina e Minister Dowers di husticia a acentua.

“Un hecho cu a bin serca t’e uzo di celular of chat durante cu ta stuur
auto y cu ta forma punto di e campaña di conscientisacion aki tambe.
Mi ta desea e fundacionnan tur clase di exito y cu e resultado ta
uno di cero incidente y/o accidente lamentabel riba nos isla”, asina
Minister Arthur Dowers a termina bisando durante lansamento di
e campaña na MFA Noord.