Page 22 - AWEMAINTA

22 AWEMainta Diaranson, 14 December 2016

E ultimo edicion di 2016

FOCUS ta luci cu nos hendenan local den su edicion di december 2016

NA momento cu e team di FOCUS sinta pa planifica
edicion di december, ta henter un sesion di kibra
cabes tin, ya cu e edicion aki ta dedica na recono-
cimento di nos hendenan local cu a destaca riba
diferente tereno.
Cada aña revista FOCUS ta bin cu renobacion den
e premionan como tambe e forma con ta scoge e
personanan.
Den transcurso di aña, FOCUS ta haci hopi entrev-
ista, ta bay evento y ta conoce hopi hende y cada
un di nan, tin nan propio storia di exito personal y
profesional, cu sigur ta fungi como un inspiracion y
motivacion pa otro.
Esey mes FOCUS ta highlight mensualmente den su
revistanan, percurando semper pa ilustra y refleha e
cosnan positivo di cada un di nos hendenan.

E aña aki FOCUS ta celebra su di 22 aña y publica-
cion consistente y e anochi aki, durante un evento
priva, ta duna reconocemento na algun di nos hen-
denan den comunidad, cu a sa di destaca, cosecha
exito y ta un ehempel pa hopi otro.
E 6 reconocimentonan di FOCUS 2016 ta bay pa:
Marjorie Clark como FOCUS Personahe di Aña,
Janiro Eisden como FOCUS Artista di Aña, Lisette
Buckley como FOCUS SOCIALITE di Aña, Aruba
Airport Authority N.V. cu e FOCUS Premio Special,
Elisa Lejuez como FOCUS Arte di Aña, Mary Spellen
como FOCUS Best Dressed y Anthony Bryson den
FOCUS Moda y Beyesa.
E portada ta refleha nos flamante beyesa Tania Nu-
ñes, kende recientemente a participa na certamen di
beyesa internacional y ta posee un beyesa peculiar y
personalidad unico.
Mas den edicion di FOCUS december, tambe lo haya
mas di e kico tur t’e mihor opcionnan pa regalo den
december, algun evento social, e highlights di 2016
den diferente seccion; beyesa, entrevista, moda,
evento y mas.
Un total di 104 pagina e team di FOCUS a logra
hinca den otro, unda cu cada pagina ta detayamente
selecciona y elabora, pa brinda e cuantioso lectornan
di revista FOCUS un variacion di topico, informacion
y entretenimento relevante y cautivante.
Un edicion yena di informacion, contenido y toke di
Fin di Aña, pa haci bo temporada uno mas special.