Page 21 - AWEMAINTA

AWEMainta Diaranson, 14 December 2016 21

Den Caya Grandi

Minister Presidente Mike Eman a sostene proyecto

promocional ‘T’aki Tin” diasabra ultimo cu evento di crossfit

DIASABRA ultimo Minister President Mike Eman,
un biaha mas tabata den Caya Grandi caminda el a cana
den caya principal pa mira y duna sosten n’e programa
promocional di fin di aña, ‘T’aki Tin.
P’e ocasion aki un biaha mas tambe oficialnan di Santa
Rosa a presenta varios di nan producto como un oferta
special na tur hende mientras cu tambe a tuma lugar e
‘crossfit challenge” organisa den cooperacion cu Muscles
and Lungs y High Performance.

Durante di e evento aki Premier Eman a wordo reta pa
su persona participa den algun ehercicio di crossfit pa
mira con su condicion fisico ta y sin duda nos Minister
Presidente a confirma su bon condicion fisico.
E evento a resulta algo exitoso cu presencia di hopi
hende caminda Gobierno hunto cu e organisacion di
OBID, ta organisando henter luna di december e evento
‘T’aki Tin.

E proyecto promocional aki pa luna di december ta
conta cu participacion tambe di comerciantenan den
Caya Grandi cu ta presenta nan productonan na un
prijs special pa henter pueblo di Aruba y su sin duda ta
cay na agrado di tur hende.
Gobierno ta invita henter pueblo di Aruba pa probecha
di e actividad aki cu prijsnan special pa henter luna di
december y asina tur hende duna sosten y aporte na e
desaroyo economico di nos centro di ciudad.