Page 24 - KPA

Noticia di Polis: Pareha

asalta door di hobennan

carta tapa

Published on March 15, 2017 in Suceso
ORANJESTAD, Aruba

Central ta dirigi patruya na altura di Harana Filipino pa un caso di atraco. Eynan a papia
cu un pareha, kendenan a declara cu nan a bay trip y tabata na Cafe De Pijp, pero nan
no tabata den un estado cu por a stuur bay cas. Pesey nan a dicidi di cana bay cas.
Ora cu nan tabata na altura di Harana Filipino Restaurant, nan a wordo rondona pa 4
hoben. Nan no por a mira nan paña bon, pero loke tabata remarcabel tabata cu tur 4
tabata tin un mascarada blanco bisti pa asina sconde nan cara. E homber a wordo
gescopt y nan a ranca e tas di e muhe. Un di e hobennan a ranca e tas y a laga esaki
los, di manera cu el a haya un herida na su man. Debi na esaki a surgi un forsegeo
caminda cu e hobennan a logra kita e tas. Segun e dama, e hoben a saca su celuar for
di su tas y a benta esaki bek den su direccion. Despues di esey a hobennan a core
drenta mondi. Polis a dicidi pa hiba e pareha warda, mirando cu nan tabata upset di e
situacion y tambe cu nan tabata bebi, y cu no por a confirma loke nan a bisa. Na warda
a tuma tur dato di e pareha kico a pasa cu nan. A pidi e pareha pa bin pa su mainta,
mirando cu nan tabata bao di influencia di alcohol. A dicidi di baha nan na nan cas y pa
e siguiente dia, ora cu nan ta full sosega y bin bek duna keho.

http://earubianonews.com/2017/03/15/noticia-di-polis-pareha-asalta-door-di-hobennan-carta-tapa-2/