Page 26 - KPA

Noticia di Polis:

Hombernan burachi no

kier a bay for di Moomba

Published on March 15, 2017 in Suceso
ORANJESTAD, Aruba

Central ta manda patruya na Moomba Beach caminda algun cliente no kier a bay
despues cu e luga a cera y tabata indesea. Eynan a papia cu security di Moomba
Beach, kendenan a mustra na dos homber, kende na e momento ey tabata cana zig
zag. Por a mira claramente nan tabata para di dwars y no tabata cana drechi. E
hombernan a cana bay den direccion di algun container situa parti pazuid di e parkinglot
di Moomba, den scuridad. Nan a conta cu e dos hombernan tabata fresco y no kier a
bay despues cu varios biaha nan a wordo cori for di e luga. Tambe nan a conta cu e
hombernan a invita nan pa bringa. Polis a bay den direccion di e hombernan aki. Na
momento cu a purba di papia cu nan, e homber cu despues a resulta di ta OR, a lanta
su brasa y a haci un seña pa core cu polis y nan a gewoon keda cana. Polis a sali for di
den e auto y a papia cu ambos. E hombernan tabata bao di influencia di alcohol. Esaki
por a wordo sosteni na nan estado di buracheria cu ambos tabata aden. OR tabata
papia bruha cu un lenga pisa y tabata tin wowonan cora. Ambos tabata hole stinki na
alcohol. E otro homber, kende tabata yama EP, no a mustra comprension y no a
reacciona riba accion di polis y a cuminsa yora. Riba peticion di polis, unda nan tabata
bayendo OR a bisa cu EP tabata kier a bay cas y el a brind’e un lift. Ambos homber
tabata tin tas cu nan. Riba peticion kico nan tabata tin den e tasnan aki, nan a bira
fresco y agresivo y a cuminsa cana bay. A base di esaki, a dicidi di aresta tur dos y OR
na warda di Shaba, pa su propio siguridad y e otro a keda encarcela pa e saca su
wayaba. EP a wordo hiba na warda di San Nicolas pa su propio siguridad y di otro y
tambe a keda encarcela pa buracheria. Central a wordo poni na altura.

http://earubianonews.com/2017/03/15/noticia-di-polis-hombernan-burachi-no-kier-bay-di-moomba/