Page 27 - KPA

Noticia di Polis: Polis ta

detene conocido

bendedo di droga na

skina di Red Sail Sports

Published on March 15, 2017 in Suceso
ORANJESTAD, Aruba

Polis a mira durante patruya un bicicleta banda di e hotelstrip, na altura di Red Sail
Watersport cerca di Palm Pier. E conocido RAH tabata na e huki di e edificio di Red Sail
y serca dje tabatin dos turista Mericano. Polis a hole di biaha e holor penetrante di
marihuana cerca H. Ora cu a mira polis, e turistanan a spanta y a cana bay. Polis a
papia cu H. y a ristr’e. Den su tas nan a bin haya un paspoort Hulandes di e persona
yama GAS. H. a bin cu un storia sin pia sin cabes con el a bin na e paspoort. En corto,
el a splica cu ta di un amigo di dje cu un rato despues lo bin busk’e. Polis lo keda cu e
paspoort, te ora cu e doño presenta na warda di polis na Shaba. Polis a core cu H. na
prome instante for di e luga, pero el a keda sinta cerca di beach, claramente wardando
te ora cu polis a bay di e sitio. Polis a bolbe haci un control na e luga debi na e holo
fuerte di marihuana. Polis a topa den e rolluik di e edificio dos saco cu un cantidad
considerabel di marihuana. Esaki sigur ta hopi cerca di e luga, caminda cu H. tabata
para. Polis a cana bay cerca dje y a detene pa posicion di drga. El a wordo hiba na
warda di Shaba, caminda cu el a wordo presenta dilanti di fiscal auxiliar. E sospechoso
a wordo encarcela pa mas investigacion.

http://earubianonews.com/2017/03/15/noticia-di-polis-polis-ta-detene-conocido-bendedo-di-droga-na-
skina-di-red-sail-sports/