Page 43 - Djabierne 28 september 2018.pdf
P. 43
Djabièrnè 28 Sèptèmber 2018 47
Kontinuashon di pagina 12 aprobá e konsepto di lei Matrimonio manera lei aki tampoko lo no duna
Komunidat LGBTQ+ aki, lo bira posibel pa dos deskribí den lei lo keda miembronan di komunidat
persona mayor di edat, sin solamente un matrimonio LGBTQ+ derechi pa kasa
pa personanan di mesun importá nan sekso, kasa ku sivil. Nada lo no kambia na den misa. Un matrimonio
sekso. Na momentu ku otro den un seremonia sivil, esaki na momentu ku e lei en religioso ta i lo keda un
mayoria den Parlamento si nan ta deseá esaki. kuestion drenta na vigor. E asuntu di kada organisashon
religioso pa disidí na kua
manera nan ta regla esaki
den nan organisashon.
Organisashonnan
LGBTQ+ ta konsiente ku un
parti di komunidat na Kòrsou
no ta di akuerdo pa habri
matrimonio pa personanan
di komunidat LGBTQ+. Esaki
hopi biaha tin motibunan
diskriminatorio i opinionnan
homofóbiko ku ta resultado
di siglonan di instigashon
i indoktrinashon kontra di
komunidat LGBTQ+.
Esaki ta un inhustisia ku
mester remediá. Meskos ku
kolò i etnisidat, orientashon
seksual no ta un eskoho.
No tin niun motibu bálido
pa aseptá diskriminashon
pa motibu di orientashon
seksual si.
Aunke segun sr.
Kleinmoedig nan lo
keda eduká pa tin mas
aseptashon i toleransia
pa komunidat LGBQT+,
no por sigui warda te na
momentu ku tur hende ta
konvensí. Ta trata aki di
rekonosimentu di dignidat
igual pa tur siudadano di
Kòrsou. Kada dia ku pasa i
esaki no keda korigí ta hasi
un inhustisia grandi na nos
komunidat. “Nos wak bèk
den pasado na momentunan
krusial manera abolishon
di sklabitut i segregashon
rasial i tambe na momentu
ku hende muhé i hende di
koló tabata bringa pa haña
derechi di voto igual, un gran
parti di komunidat a resistí
kontra di e kambionan
aki. Sinembargo, danki
na lidernan manera Tula,
Martin Luther King i
Nelson Mandela ku no a
warda, a trese kambio na e
desigualdatnan aki. Si nan i
otro personanan no a karesé
di liderazgo i balentia pa
korigí e inhustisianan aki,
awe nos lo tabata biba den
un mundu kompletamente
diferente. Pa e motibu
ei organisashonnan
LGBQT+ ta di opinion
ku no por sigui warda.
E momentu pa rekonosé
dignidat humano pa un i
tur ta: AWOR”, asina Mario
Kleinmoedig a terminá.
