Page 37 - MIN ECEM

ORANJESTAD (AAN) – Segun un informacion publica pa Ben Bartenstein den
BloombergPolitics, Diahuebs 25 di Mei, Syria y Venezuela den e reciente añanan, a
traha un plan pa evadi sancionnan internacional na Syria, a travez di un deal pa
transporta nan petroleo for di Rusia pa Caribe, pa medio di Citgo Aruba.

Seguidamente e relato extenso skirbi pa Bartenstein:

E plan, previamente no revela, ta dirigi pa bende crudo Syrio cu un descuento grandi na

Venezuela, atravez di Russia Shell Company, cual lo wordo manda pa Aruba pa su
refinacion y distribucion na e gas stations di Merca, y otro lugarnan, segun docenanan
di emails, document y entrevistanan ta indica.

E skema, cual no a wordo ehecuta, ta indica den ki medida e dos nacionnan “paria”
menciona, ta dispuesto pa yega contal di evadi e reglanan internacional y antagoniza e
podernan global.

Segun datonan divulga, e Presidente Bashar al-Assad, di Syria, durante e ultimo seis
añanan, a a priva miles y miles di su ciudadanonan di nan bida, den un guera brutal pa
asegura su poder.

For di Venezuela, e plan aki ta forma parti di un agenda internacional inicia pa e
Presidente Socialista Hugo Chavez den alianza cu Iran y Cuba y awor lidera pa su
disciple “encahona” Nicolas Maduro, Venezuela ta desespera pa cash despues di añanan
di hiba un mal maneho, el a conduci e salida di petroleo na tres decada slow, hibando e

economia na un depresion y e ultimo simannan na fuerte protestanan diario, di su
ciudadanonan. E iniciativa aki di Syria subraya e ambicion internacional di Venezuela y
indica cu su crisis actual lo tin repercusionnan mas aya di su costanan.

Skema Caribense:

No tin claridad si e plan aki ta ainda den consideracion. Wilmer Ruperti un comerciante
petrolero Venezolano cu a hunga un papel clave, y cu a crece y enrikece su mes

enormemente pa su cercania cu e presidente Venezolano, durante un entrevista
telefonico tocante su participacion, a declara cu e no tabata tin un rol largo den esaki.
El a bisa cu e oficialnan Syrio a acerke na comienzo di 2012 durante un fiesta den e
Club Syrio di Caracas.