Page 40 - MIN ECEM

Presentando E Mision Y Vision Di 2017 Pa 2021, Pa

Cual Mester Di Liderazgo Fuerte

 Politica
- 25/05/2017

Corte di Prome Instancia ta mira cu tin tendencia di aumento di casonan

Diaranson 24 di mei ultimo, Corte Comun di Husticia di Aruba, Corsou y Sint Maarten y
di Bonaire, Sint Eustatius y Saba (despues di esaki Corte) a presenta su relato anual di
aña 2016 na prensa.

Na oficina di Corte na Aruba Vice-Presidente di Aruba mr. Peter Lemaire tabata presente
hunto cu Huez den estudio mr. Jane Jansen y Director di Establecimento di Corte na
Aruba sr. Ernesto Kross pa duna informacion tocante di e acontecimentonan di aña pasa y
tambe pa contesta pregunta.

MISION Y VISION
E relato anual di 2016 tin e tema ‘Vision’. Esaki ta referi n’e trayecto di vision di Corte
cu a termina den e aña ey. Esaki a resulta den formulacion di un mision y vision pa 2017
pa 2021.

E mision ta enfatisa cu Corte ta sirbi Husticia cu hurisdiccion independiente y imparcial.

E vision di Corte ta consisti di diferente balor fundamental cu ta traduci den metanan
central p’e proximo 5 añanan.

A yega n’e mision y vision di Corte cu yudansa di trahadornan di diferente nivel den e
organisacion (bottom up), ya asina e tin base di sosten.