Page 4 - Serat Wulangreh Pupuh Gambuh_Neat
P. 4
Gambuh
Kapethik sekang Serat Wulangreh dening PB IV
Pada 5
Si kidang ambegipun
Angandelaken kebat lumpatipun
Pan si gajah angandelken gung ainggil
Ula ngandelaken iku
Mandine kalamun nyokot
Terjemah basa banyumasan:
Wateke kidang yakuwe nyombongna bantere golih mlayu, nek gajah nyombongna
awake sing gedhe dhuwur, nek ula nyombongna racune sing ganas nek nyakot.
Pada 6
Iku umpamanipun
Aja nagndelaken sira iku
Suteng nata iya sapa kumawani
Iku ambeke wong adigang
Ing wasana dadi asor
Terjemah basa Banyumasan
Kabeh mau mung pepindhan (perumpamaan), umpamane, kowe aja gumedhe
nyombongna awake dhewek merga putrane raja utawa ratu, dadi mikirmu rumangsa
ora ana sing wani. Pikiran sing kaya kuwe wateke wong sing adigang, akhire kowe
dadi asor.
Pada 7
Adiguna puniku
Ngandelaken kapinteranmu
Samubarang kabisan dipundheweki
Sapa bisa kaya ingsun
Toging prana nora enjoh
Terjemah basa Banyumasan
Wateke wong adiguna kuwe, tindak-tanduke senenge nyombongna kepinterane.
Kabeh kepinteran kuwe dianggap duwene dhewek kabeh. Rumangsane ora ana sing
bisa kaya dheweke. Ningane akhire ya ora sanggup lan ora bisa.
Pada 8
Ambek adigung iku
Angungasaken ing kasuranipun
Para tantang candhala anyenyampahi
Tinemenan nora pecus
Satemah dadi geguyon
Terjemah basa banyumas
Wateke wong adigung kuwe, senenge nyombongna kewanenane, nyombongna
prakosane/kekuwatane, kabeh wong ditantang gelut, lan senenge ngece, nyenthulani.
Ningen nek temenan diadhepi, dheweke ora sambut, ora teyeng nglawan, malah
akhire mung diguyu.
