Page 5 - gg

Saiki, ing jaman dhigital sing saya ngrembaka, tembang Macapat

uga kerep dienggo kanggo sarana iringan film kanthi diwenehi daya

utawa efek tartamtu, upamane ing film-film genre horor. Tumrap

bebrayan sing durung tau ngerti mesthi wae nganggep tembang kasebut

medeni, mistis, bisa ngundang jim utawa setan, lan penganggep liyane.

Pamawas sing kaya mangkono mligine tumrap para siswa kudu diowahi,

awit nalika nilik saka mulabukane, pangrembakane, uga kalungguhane,

tembang Macapat klebu salah sijine sastra Jawa sing adiluhung,

mranani, tur migunani.

Ing wulangan iki bakal dijlentrehake mula buka anane tembang

Macapat, tegese Macapat, paugerane tembang Macapat, isine tembang

Macapat, lan wangun tembang Macapat.

Wawasan Ngenani Tembang Macapat
B.

1. Mula Buka Anane Tembang Macapat

Sastra Jawa wiwit tuwuh ngrembaka kaprabawan saka sastra

India, yaiku awujud tembang (larik lan pada) sing diarani kakawin lan

ngenggo basa Jawa Kawi (basa Jawa . Kuna), kayadene Kakawin

Ramayana, Kakawin Mahabarata, Kakawin Nagara Kertagama, Kakawin

Lubdaka, lan sapiturute. Sastra awujud kakawin kasebut digolongake

ing periodhe sastra Jawa Kuna. Sabanjure, nut lakune jaman nalika

jaman Singasari nuju Majapait wiwitan, akeh beberayan Jawa sing wis

ora sepira pana ing basa Jawa Kawi. Basa sing dienggo ing bebrayan

wis beda tinimbang basa sing tinulis ing reriptan sastra sadurunge.
Adhedhasar kahanan kasebut, mula sawenehe para pujangga Jawa

wektu iku nalika nggawe reriptan sastra nganggo basa sing luwih

2