Page 31 - alice-kbd_text.qxp_9781904808169_text
P. 31
Хэшэ
Дыгъэ дыщэр дзэкъэу къопсыр,
Хуэму псым досых.
Псыщыкӏухьэнцэр псым йодзэгъур,
Ӏэбэхэр екъуху,
Ауэ даурэ ямыщӏами,
Кхъухьыр занщӏэу яху.
Гъуэм и жьауэм хьэкӏэкхъуэкӏэм
Къыримых и нэӏу.
Шыпхъухэм дыгъэр къырамыдзэу
Псысэм къыщӏолъэӏу.
Фӏэкӏ уимыӏэ ахэм щаткӏэ
Зэдежьуурэ лъэӏу!
Сыт сыщӏэн? «Къыхэдзэ псысэр»—
Жеӏэ я нэхъыжьым,
«Сэмэркъор нэхъыбэ къэщӏыт»—
Педзэ я курытым,
И бэлагъыр дэни хеӏур
Жану я нэхъыщӏэм.
Къыщӏызодзэ сэ тэурыхъыр
Симыӏэжу кӏуапӏэ:
Пщащэ цӏыкӏум къыщыщӏахэр
Телъыджащэу щӏыпӏэм—
Гъэщӏэгъуэну щилъэгъуахэр
Пщащэм и пщӏыхьэпӏэм.
5
