Page 59 - alice-kbd_text.qxp_9781904808169_text

П ХЪ Э РЖ Э Р Ы ГЪ Э Х Ь ЭУ Л Е ЙР Э Ӏ УА Т Э КӀ Ы ХЬР Э

Алисэ игу къэкӏа джэдум и щытхъупс игъэжар зыгуэрхэм ягу
техуакъым—бзум я ныкъуэм зыкъаӏэтри лъэтэжащ. Къанжэ
фызыжьэр щӏыӏэм иса хуэдэу, псынщӏэ-псынщӏэу и шащыхур
къызришэкӏри и макъыр кӏэзызурэ, и быныр къыриджэу щӏи -
дзащ: «Къэвгъазэ, щӏыӏэ къыфхыхьэнщи, фи тэмакъыр узынщ.
Фынакӏуэ, си нэху цӏыкӏухэ, дывгъэкӏуэж, фыгъуэлъыжу фыжеи -
жын хуейщ.» Сытми, хуэм-хуэмурэ щхьэусыгъуэ зэрыз къагъуэ -
турэ, Алисэ и закъуэу къагъанэри псори зэбгырыкӏыжащ.
«Сытым щхьэкӏэ Динэ и цӏэр къыщӏыхэзгъэщар?» нэщхъей-
нэщхъейуэ егупсысащ Алисэ. «Зыми мыдей ар игу ирихькъым.
Зыми ар зэрыдыщэ хъурейр ищӏэкъым. Мы дунеишхуэм абы
нэхъыфӏ щыӏэкъым! Си Динэ фо, зэи мыгъуэ сыпӏумыплъэжыну
пӏэрэ!» Мыбдежым Алисэ и закъуэныгъэм къыхэкӏыу, аргуэру и
гъын къэкӏуащ, ауэ пщащэ цӏыкӏум зигъэбыдэри зы нэпс къы -
щӏигъэжакъым. Апхуэдэу здэщысым даущ гуэрэ щызэхихым,
пщащэр къэгуфӏащ—Дзыгъуэм и хъыбарыр нигъэсыжын щхьэ -
кӏэ къигъэзэжауэ жери.

33