Page 63 - alice-kbd_text.qxp_9781904808169_text
P. 63
Ш Ы НД Ы РХЪ УО Р Э У Э НЖ А КЪР Э
махуэ къэс дерсхэр згъэзэщӏэн къысхудэхуэнущ! Тхьэм фигъэп -
сэу, ауэ апхуэдэу сыхуейкъым!»
«Ухьэхьей, сыту уделэ цӏыкӏу уэ,» и гупсысэр зэпиудыжащ
Алисэ. «Сыт хуэдэ дерс? Уэ къудейр унэм ущӏэхуэкъым, дэнэ
бгъэтӏылъыну уи тхылъэхэмрэ тетрадхэмрэ?»
Апхуэдэурэ, пщащэр щхьэхуэпсалъэурэ, и щхьэр тригъэууэ
здэщылъым, щӏыбым къыдэӏукӏ кӏий макъ зэхихащ.
«Мери-ӏен!» макъ нэӏуасэ гуэр зэхихащ абы. «Иджыпступцӏэ си
ӏэлъэхэр моуэ къэхь!» Дэкӏуеяпӏэмкӏэ щабэрыкӏуэ лъэмакъ къы -
щыӏуащ. Къыгурымыӏуэнкӏэ хъунутэкъым Алисэ ар зэры—
Тхьэкӏумэкӏыхьыр. Икӏи ар и щхьэм щынэсым кӏэзызу щӏидзэри,
зэрыунэу игъэтхытхащ. (Тхьэкӏумэкӏыхьым щымыщынами
хъунут—абы нэхърэ ӏэджэкӏи нэхъ инт езыр.)
Тхьэкӏумэкӏыхьыр бжэм нэсри къеӏа щхьэкӏэ, сыт имыщӏами,
къыхуӏухакъым Алисэ и ӏэдакъэр бжэм къыщӏэгъэкъуати.
«Апщыгъуэ, щхьэгъубжэмкӏэ сыдэпщхьэнкъэ,» къэгъумэтӏыгъуащ
Тхьэкӏумэкӏыхь Хужьыр.
«Хьэуэ атӏэ, сыӏусщ щхьэгъубжэм сыножьэри,» игукӏэ жиӏэри
Алисэ, зигъэхьэзырри, Тхьэкӏумэкӏыхьыр кӏэрнизым нэса къы -
щыфӏэщӏым, и ӏэр зэрыхузэфӏэкӏэ нэхъ жыжьэу дигъэжри,
Тхьэкӏумэкӏыхьым епхъуащ. Пщащэм зыри къыхуэубыдакъым,
37
