Page 35 - alice-kbd_text.qxp_9781904808169_text

Т ХЬ Э КӀ У М Э КӀ Ы ХЬ Ы ГЪ УЭ М У И ПЩХЬ Э М Э

Япэу гъуэр хуэзанщӏэу кӏуэт, ауэ, куэд дэмыкӏыу, гъуэм
зыригъэзыхащ задэу. Псыкъуий куушхуэм ихуа умыщӏэу Алисэ
екӏурэхащ. Пщащэр быбт хуэм-хуэмурэ мыгузавэу. Щымы -
гузавэкӏэ зэмани иӏэт ихъуреягъым зиплъыхьыну, абы игущӏы -
ӏужкӏи—адэкӏэ къыпэщылъми егупсысыжыну.
Гурыӏуэгъуэщи, псом япэ пщащэр еплъыхащ, дэнэ секӏурэхрэ,
жиӏэу, ауэ кӏыфӏым сыт щыплъагъунур?—кӏыфӏ фӏыцӏагъуэщ.
Итӏанэ гъуэм и блынхэм и нэхэр тригъэпсыхьащ,—ихъуреягъкӏэ
гъуэ джабэм кърекӏуэкӏыу сырэхэмрэ тхылъ дапхъэхэмрэ зэтету
къехт. Адэкӏэ-мыдэкӏэ сурэт цӏыкӏухэмрэ щӏынапэрылъхэмрэ
пылът. Зделъэтэхым, Алисэ зы дапхъэм къытрипхъуэтыкӏащ
абдж кӏадэ «ТӀАМЫГЬЭВЫГЪЭ», жэуэ, тедзауэ… Кӏадэр
нэщӏу къыщӏэкӏащ. Щӏегъуэжа щхьэкӏэ, Алисэ абдж кӏадэр
хэфӏидзакъым, зыгуэрым и щхьэм техуэмэ, жери. Дахэ цӏыкӏуу
дапхъэм тригъэувэжыфащ.
«Солъатэри-солъатэ, иджы сылъатэу сесащи,» и щхьэм
хупсэлъэжурэ жиӏащ Алисэ, «дэкӏуеяпӏэм сыкъекӏурэхми
сыгъынукъым! „Афэрым!“ къызжаӏэнущ. Дэкӏуеяпӏэ щыгъэ ты -
жауэ, унащхьэм сыкъекӏурэхми, иджы зы цӏутӏи жысӏэнукъым!»
(Ар пэжу къыщӏэкӏынщ, унащхьэм къекӏурэхамэ «Цӏутӏ»
хужыӏэжынут!)
Алисэ псалъэми, мыпсалъэми къекӏурэхт, къекӏурэхт, къекӏу -
рэхт. Атӏэ зэгуэрэм иухыну къекӏурэхын?... «Гъэщӏэ гъунщ,
дапщэ секӏурэхауэ пӏэрэ?» щӏэупщӏащ пщащэр. «Щӏы хъурейм и
купсэм и курыкупсэм сынэсауэ къыщӏэкӏынщ,» езыр езыру и
упщӏэм жыуап иритыжащ. «Зы километр миних, е апхуэдиз
гуэрэщ…» (флъагъурэ, Алисэ еджапӏэм кӏуэн щӏидзагъыхэти,
дерс къиубыдахэр и щхьэм къыщыкӏыжым, имыгъуэ щхьэкӏэ
зыхуэубыдакъым къимыӏуэтэн—тӏум щыгъуэкӏи зыми зэхих -
тэкъыми). «Сытми апхуэдэ гуэрэщ,» къыпидзащ Алисэ. «Дэнэ
сыщыӏэу пӏэрэ иджыпсту Щӏыхъурейм и бгъуагъ-кӏыхьа гъхэм -
кӏэ?» (Пэжу жыпӏэмэ, мащӏэт а цӏыкӏум хицӏыхукӏыр «Щӏыхъу -
рейм и бгъуагъ-кӏыхагъэхэм». А псалъэхэм я жыӏэкӏэ дахэхэм я

9