Page 11 - THUKUL JADI_Neat

Thukul ing Lemah Nela

Dheweke kelingan nalika nate gegeran karo Singa
Buntung ya sing jaga jlig. Arane titah cilik arep budia
kaya apa ya panggah ora bisa ngogak-ngogak tunggak.
Dheweke trima ngalah wusana cucul dhuwit pitung
ewu kanggo tambah munggahe jlik sabolongan. Najan
banyu iline cilik nanging gedhe lan aji banget kanggo
dheweke lan kanca-kancane. Sawahe bisa kilen banyu,
tandurane bisa ngombe banyu.
Wiwit kuwi gethinge marang Singa Buntung
nunjem nganti tekane balung sungsum. Nanging nalika
weruh pas neng ngarep pasar sayur weruh sikile Singa
Buntung diblebet perban, dheweke nyedhaki tekok
keneng apa. Sorene diperlokake mara neng omahe
ngertakne larane sikil sing kecepit jlig. Nanging ya
kuwi, kelakuwane Singa Buntung ya ora bisa owah.
Anggepane banyu kuwi sing nduwe mbahe lan kudu
asok glondhong pendhak yen arep oleh jatah banyu.
Saka sisih kulon krungu krosake godhong kang
kepidak sikil.
“Wis keleban kabeh durung sawahe, Cil!” krungu
kandhane Singa Buntung.
“Dereng sedaya. Tiyang-tiyang sami boten dugi,
namung kula. Kula mbonten wantun ngelebi nggen
kula.”
“Nggonmu lebana banyune selak ndang takpateni.
Jatah wengi iku patang puluh ewu,” kandhane Singa
Buntung karo klepat mbalik ngulon.
Bingung lan bingung atine, jatahe asok patang
puluh ewu, kamangka dheweke mung cekel dhuwit
3 | Sigar Jambe