Page 12 - THUKUL JADI_Neat

Thukul ing Lemah Nela

limang ewu. Kurange sapa sing njangkepi? Awake
dhewe genah ra kuwat. Klunuh-klunuh dheweke
ngadeg lan mbukak tulakan ing pojokan galengan.
Banyu kang diarep-arep dening tandurane lumeber
nelesi lemah sawah sing atos merga garing. Lagi
saprotelon banyu wis mati.
Dheweke njupuk cidhuk umplung kanggo nelesi
tanduran sing durung keleban banyu. Telese durung
rata, najan ketambahan cebloke luhe neng godhong
pari sing lagi umur rong minggu. Disiram saka pucuk
najan iki pancen ora cucuk kanggone sing disirami.
Nanging kepriye maneh, kasunyatane pancen kudu
ngono. Batine sing kandha, dupeh kuwasa banjur
sawiyah-wiyah. Sawah durung teles, nanging banyu
wis mati, kaya atine Singa Buntung.
Jago kluruk pisanan dheweke bali karo nggawa
sewu pitakonan diwadhahi ing ati. Radione dicang-
klong ngepasi Werkudara diwejang Dewa Ruci. Dalan
sawah sing ambane mung sadlamakan, ditata jangkahe
aja nganti nyampar utawa nyandhung carang lan eri.
Wejangane Dewa Ruci dirungu kaya-kaya kanggo
dheweke, dirungokake kanthi tenanan, dienebake ing
atine.
Sunar padhang nyempyok kori lawange ati,
mbukak lan lerem ing kono. Rasa kesel lan sumpege
ilang merga ing atine tansah ngenam donga muga
tandurane ora mati. Dongane titah cilik sing mung
lungguh ing dhingklik.
Tekan Grumbul Migit jangkahe kandheg.

Supriyoko | 4