Page 22 - Ringkesan X-A

WAWASAN

PARAMASASTRA JAWA

Paramasastra Jawa iku minangka sawenehing paugeran kang ngrembug bab tata
basa Jawa. Paramasastra iku asale saka tembung parama = linuwih, pinunjul lan
tembung sastra = layang, kawruh. Dadi bisa didudut, paramasastra iku layang (buku)
linuwih utawa kawruh kang pinunjul (Padmosoekotjo, 1979: 17-18).Perangane
paramasastra bisa disetitekake kaya ing ngisor iki.

Titi-swara (fonologi)

Paramasastra Jawa Titi-tembung (morfologi)

Titi-ukara (sintaksis)

Ing kalodhangan iki, kang bakal dirembug ing kene mung mligi titi-swara bae. Titi-
swara iku minangka elmu kang ngrembug babagan swara (kang nduweni teges lan
makna).

Titi-Swara = Widyaswara (Fonologi)
 Vokal /a/ basa Jawa diarani /a/ swara miring.
tuladha:
- aku (aku) - awu (abu) -ora (tidak)
- alu (alat penumbuk padi) - ajur (hancur) - sangu (uang saku)

 Vokal /å/ basa Jawa diarani /å/ swara jejeg.
tuladha:
- apa (apa) - amba (luas) - kuna (kuno)
- ala (buruk) - basa (bahasa) - pira (berapa)

 Vokal /u/ basa Jawa diarani /u/ swara jejeg.
tuladha:
- udan (hujan) - gula (gula) - bisu (bisu)
- upas (bisa/ racun) - tuma (kutu) - garu (alat pertanian)

 Vokal /ů/ basa Jawa diarani / ů / swara miring.
tuladha:
- biyung (ibu) - sarung (sarung) - sumur (sumur)
- raup (cuci muka) - warung (warung) - siyung (gigi taring)

 Vokal /é/ basa Jawa diarani /é/ swara jejeg utawa /é/ taling.
tuladha:
- eca (enak/lezat) - enak (enak) - wage (nama pekan)
- edan (gila) - tela (ketela) - sare (tidur)

22