Page 21 - Ringkesan X-A

menawa piyambake nindakaken punika saperlu badhe aweh piwulangan amrih
mboten grusa-grusu jroning tumindak jalaran mengkone bisa nuwuhaken bilahi ing
sakbanjure. Perlu kawuningan, Jamus Kalimasada kadhusta dening Dewi
Mustakaweni ingkang memba Raden Gathotkaca. Nalika punika sedaya Kadang
Pandhawa mboten wonten ing kedhaton jalaran lagi mangun Candhi Saptaarga
saengga supe njagi jimat pusaka punika.

Tumindakipun Petruk minangka nata paring piwulangan dhumateng
Pandhawa supados mboten gumedhe, mboten dumeh marang sedaya perkawis,
saha mboten pareng supe dhumateng nasibipun tiyang alit. Saksampunipun
mratelakaken maksud sedaya tumindakipun, Petruk nyuwun pangapunten
dhumateng bendaranipun. Sedaya Kadang Pandhawa kanthi jembaring manah
paring panganpunten uga ngaturaken panuwun awit Petruk sampun maringi
pepeling saha piwulangan dhumateng Pandhawa.

Gladhen Mandhiri

Wangsulana pitakenan ing ngandhap punika!
1. Sinten sejatine Petruk punika?
2. Kados pundi larah-larahipun icalipun Jamus Kalimasada?
3. Punapa ingkang dipuntindakaken Petruk saksampunipun nampi Jamus
Kalimasada saking Bambang Priyambada?
4. Kados pundi lelakonipun Adipati Karna?
5. Pesen punapa kemawon ingkang kinandhut sajroning lakon Petruk Dadi
Ratu?
6. Kados pundi relevansi isinipun lakon klawan jaman sakpunika?
7. Punapa kemawon ubarampe/prabot salebetipun pagelaran ringgit purwa?
8. Gagrag ringgit purwa punika wonten pinten? Sebataken kanthi jangkep!
9. Jinis-jinising ringgit punika wonten punapa kemawon?
10. Punapa ingkang dipunsebat: suluk, pathetan, ada-ada, lan sendhon punika?

BUKU KUWI SEJATINE UGA GURU, MULANG NGELMU ORA TAU NESU
SANADYAN DIGUGAH YEN LAGI TURU

21