Page 20 - Ringkesan X-A

PETRUK DADI RATU

Salebeting lakon Petruk Dadi Ratu kacariosaken, icalipun Jamus Kalimasada
minangka pusaka piyandel para Pandhawa Lima jalaran kadhusta dening Dewi
Mustakaweni. Banjur ingkang saged ngrebut Jamus Kalimasada inggih punika
Bambang Priyambada. Dening Priyambada, pusaka kalawau katitipaken dhumateng
Petruk.

Midhanget Jamus Kalimasada katitipaken marang Petruk, Adipati Karna
kagungan krenteg saperlu ngrebut Jamus Kalimasada. Banjur, mboten dangu
dumadi pancakara rame antaranipun Petruk lumawan Adipati Karna. Nalika Adipati
Karna lena, Petruk kasil mlajeng sipat kuping lumebet dhumateng wana. Wonten ing
satengahipun wana, Petruk ingkang ngaso salira taksih nyepeng pusaka Jamus
Kalimasada. Banjur, wonten ing pamikire tuwuh sawijining panemu saperlu badhe
aweh piwulang marang Pandhawa.

Nuju sawijining dina Petruk miwiti panemune saperlu nelukake tlatah liya ing
Tanah Jawa minangka telukane. Kanthi gampil kathah nagari katelukake jalaran
Jamus Kalimasada ingkang ampuh. Saksampunipun tlatahipun sampun wiyar,
Petruk banjur misuda slirane piyambak minangka nata Ngrancang Kencana kanthi
gelar Prabu Bel Gedhuwel Beh. Ing adicara jumenengan nata punika, Prabu Bel
Gedhuwel Beh ngundang Pandhawa saperlu rawuh ing adicara suka parisuka
punika. Nanging, kanthi alasan ingkang mboten cetha kadang Pandhawa mboten
saged rawuh. Bab punika ndamel kuciwa manahipun Prabu Bel Gedhuwel Beh.
Banjur ngerigake sedaya wadyabala Ngancar Kencana saperlu ngebroki Amarta.
Kawusanane kadang Pandhawa mboten kuwawa ngadhepi kadigdayanipun Prabu
Bel Gedhuwel Beh.

Prabu Kresna minangka pangayom Pandhawa mawas menawa ingkang
saged mungkasi perkawis punika mboten sanes Kyai Semar. Saengga, sawijining
dina Kyai Semar ngutus Gareng dalah Bagong saperlu nyolong pusaka Jamus
Kalimasada. Jalaran, Kyai Semar sakderengipun sampun mangertos wonten pundi
dunungipun Jamus Kalimasada ingkang musna nalika duking uni.

Saksampunipun Gareng dalah Bagong kasil nyolong pusaka punika, Kyai
Semar matur supaya nantang yudha Prabu Bel Gedhuwel Beh. Sejatine, Prabu Bel
Gedhuwel Beh mboten kagungan krenteg ngladeni panantang punika. Jalaran
dipunrimuk terus dening Gareng dalah Bagong kawusanane purun mudhun yudha.
Nanging kasoran jalaran pusaka Jamus Kalimasada sampun mboten wonten lan
badar malih dados Petruk.

Saksampunipun mangertos menawa Prabu Bel Gedhuwel Beh punika Petruk,
Kadang Pandhawa sanalika muntab kanepsone. Sedaya sami maringi pitakenan
punapa maksudipun Petruk tumindak kados makaten. Petruk banjur mangsuli

20