Page 46 - จดหมายข่าว WeSD (1-2.2563)2
P. 46
โควิดซาจั่งมาซุม
เฮ็ดอยู่เฮ็ดกินตามฮีตตามคอง ซุมพี่ซุมน้องอยู่ตามปะสา
คือบ้านเมืองเพิ่นเคยเฮ็ดเคยอยู่มา ลงไฮ่ตกกล้าตึกปลาหากินอยู่
มื้อหนึ่งมีข่าวจากทางไกล เพิ่นว่าโรคระบาดใหญ่มาฮอดแล้ว
คนส่าลืออยู่คุหม่องแตกแซวๆ ทางการเพิ่นเฮดคุแนวเตรียมรับมือ
ผู้ใหญ่บ้านเพิ่นว่าเชื้อโรคใหญ่ ระบาดไกลไปทั่วโลกแล้วพี่น้อง
เพิ่นให้ชื่อโควิดอย่าคิดลอง ไทบ้านซ่อยป้องกันให้มันเซา
โรงเรียนโรงหนังห้างใหญ่ปิดไว้เบิ้ด ตลาดเตลิดบ่เปิดให้ซื้อขาย
หม่องคนไปซุมกันอันตราย ปรับโตไว้เพื่อสุขภาพรักษ์ชีวิต
ล้างมือสะอาดหน้ากากใส่ไว้ตลอด อย่าให้เชื้อเล็ดรอดเข้าเฮาสิติด
ยืนห่างๆเว้าห่างๆอย่าใกล้ชิด อย่าให้พิษโควิดมันระรานเฮา
เพิ่นเอิ้นว่า New normal วิถีใหม่ เฮาต้องเฮ็ดให้ชินไว้เพื่อเจ้าของ
เพื่อบ้านเมืองกลับมาเป็นแผ่นดินทอง อดเอาอ้ายน้องโควิดซาจังมาซุมแซว
นักวิจัยพเนจร
พื้นบ้านลานกวี
45 l จดหมายข่าว WeSD ฉบับท 1-2 ปท 11 มกราคม-มถุนายน 2563
ิ
ี่
ี
ี่
