Page 17 - MODUL B.SUNDA KELAS VIII SMP NUSANTARA

hubunganana jeung informasi, kiwari mah babari pisan hayang
apal warta ti nagara sejen mah salian ti tina TV atawa radio bisa

ngaliwatan internet.

Kitu ogé warta lisan anu diregepkeun ku hidep dina youtube nalika

QR Code na rengsé di scan ku hidep. Hidep tangtu saeutikna bakal

apal nu kumaha ari warta téh, warta anu dipidangkeun bisa dina
wangun audio visual bisa dipaluruh dina internet atawa lalajo dina

TV, kitu ogé warta anu wangunna audio, urang bisa meunangkeun

warta ku cara ngadangukeun radio.

Warta sok disebut ogé berita. Aya ogé nu nyebut warta berita.
Warta téh mangrupa iber perkara hiji kajadian atawa hiji hal. Boh

sawangan boh pamadegan, dumasar kana kanyataan. Biasana

warta téh sok dimuat dina media citak atawa diumumkeun dina
radio/TV. Ari jalma nu sok nyieunan warta. Sok disebut wartawan

atawa jurnalis. (Dicutat tina Buku paket Simpay Basa Sunda Pikeun

murid SMP/MTs kelas VII kaca 17-18)

Tah nalika urang geus apal nu kumaha ari warta, naon ari warta
téh. Hidep tangtu bakal bisa nyieun hiji warta, keun sanajan

basajan ogé. Da warta na kajadian anu lumangsung di

sabudeureun hidep sorangan, atawa hal-hal anu karandapan ku

hidep sapopoé. Tah didieu bakal ditétélakeun lamun hidep rek

nyieun warta , kudu nyoko kana rumus nu geus baku , nyaeta
5W+1H ,ngawengku :

1. What (naon) : kajadian naon nu rek diwartakeun téh, téangan

kajadian anu ramé atawa anu matak narik minat anu maca.

2. Where (dimana) : dimana tempat kajadianana, dina nuliskeun
tempat, bisa ngaran daérah, ngaran jalan atawa ngaran

wangunan.

16