Page 29 - Bruno Grbac Autoportret_12_3_listbook
P. 29
i zna ako smo odvavek va Kastafšćine, ale smo odnekuda prišli? Ono ča
sigurno znamo j da su prvi podatki o našoj familije zapisani pokla 1650. leta.
Iman dva dreva našeh koreni, jeno ko san dobil za rojendan od sini, Markota
i Luke, a drugo j ono storeno va Kastafsken zavičajnen centre pul Matuj 2023. ORENI
Kleta. Jeno j drugemu dosti spodobno. Z tega dreva fanj se tega more nava-
dit – imena i prezimena našeh stareh uglavnon su na stranen zajike, a va izvorneh
dokumenteh, va crkveneh knjigah, za sakega j upisan i datum rojenja, ženidbi i smrti.
Familije su nekada imele puno dece pa radi tega i koreni familije Grbac, keh čini 12 K
generacij, od pra-pra-pra-pra-pra-pra-pra nonota Martinusa Gherbaz-Martinicha i
pra-pra-pra-pra-pra-pra-pra-pra-pra none Margherite Gherbaz-Martinich pa se do
unuki Sofie, Doriana i Nike Grbac po onen ča znamo, imaju 57 pretki ki su va izravnoj
veze z našun familijun.
Martinus Gherbaz-Martinich i Margherite Gherbaz-Martinich imeli su osan dece, i to
hćeri: Helenu, Annu, Luciu, Ursulu i Catharinu i sini: Georgiusa, Jacobusa, Martinusa
i Andreasa. Njih sin Martinus Gherbaz-Martinich oženil je Margharitu Blexich 18.
novenbra 1708. leta. Odgojili su devet dece. Divojčice su se zvale: Margarita, Lucia,
Antonia, Marghareta i Helena, a sini: Martinus, Matthaus, Joannes i Georgius. Njih
sin Joannes Gherbaz-Martinich, rojen 5. febrara 1721. leta, za ženu j zel Helenu
Serdoch s kun je imel dva sina z isten imenon, Joannes, i hćer Helenu. Jedan od teh
sini, rojen 29. oktobra 1747., oženil se j za Mariu i va brake su dobili dve hćeri istega
imena, Marie, po matere, i sina Michaela. Sin Michael Gherbaz-Martinich, rojen 13.
setenbra 1772. leta, nastavja našu lozu va brake s Catharinun Diracun. Imeli su troju
decu, Mathiasa Francescusa, Andreasa i Mariju.
Njih sin Mathias Francescus Gherbaz-Diraka, rojen 2. febrara 1799. leta, oženil je
Joannu Catharinu Ferlan-Missich i imeli su tri hćeri: Mariju, Helenu, Margarithu,
i sedan sini: Mathiasa, Andreasa, Josephusa, Antoniusa, Andreasa, Antoniusa i
Joannesa. Mlaji Andreas Gherbaz-Diraka, moj pranono, rojen 21. maja 1836. leta, za 29
ženu zima Catharinu Jelovicu 27. novenbra 1871. leta. Imeli su četiri sina: Andreasa,
Mathiasa, Michaela i Joannesa. Interesantno j da se pranono prezival Gherbaz-Diraka,
a nono Grbac-Totić. Zač se prezime promenilo, nisan jušto našal, ale mislin da j to
ondašnja vlast (Austro-Ugarska) po nekeh svojeh regulah storila.
Najstareji sin, Mathias Grbac-Totić, moj nono, rojen 6. novenbra 1873. leta, oženil
se j 12. febrara 1901. leta za moju nonu, Mariju Raunić z Lanišća va Istre. Imeli su
hćeri: Annu Catharinu, Kristinu Mariju, Rosu Mariu, Matildu Mariju, i sini: Josipa Bruno Grbac - Autoportret
(Jožeta), Andreasa, Albina, Cosimusa Franciscusa, Marianota, Franeta, Matthaeusa
i Mateja. Četvora su deca umrla, Pascalis Vincentius i Rosa Maria z dve leta, Andreas
od leto dan i Frane po rojenje. Ne zna se od česa su umrli, ma va to j vreme v Reke i
