Page 31 - Bruno Grbac Autoportret_12_3_listbook
P. 31
mići, a domišjan je se kot tihe, dobre, stare none sureh vlasi va dugeh črneh svitah.
Z nonun Marijun va „staroj kuće“ ostala j živet moja najdraža teta Anna Chatarina.
Od dragosti smo je zvali Ciana ča dohaja od talijanskega zia Anna (teta Ana). Fanj ORENI
san dani i ku noć bil pul Ciane. Vavek je kuhala ono ča san volel i čuda smo ćakulali.
Čuvan fanj lepeh spomeni na našu „staru kuću“, a posebe se domišjan obedi po
nedeje kad smo si bili na kupe. Pokla obeda igrala se j briškula i trešeta, dokla smo
se mi deca zabavjali va kortile, tekli okol šterne, igrali se na lovilo ale na skrivalo. K
Počinut smo hodili na velu murvu ka j sako leto bila rodna. „Stara kuća“ svedok je
sakakovega pasanega, najveć teškega vremena, kroz ko j pasevala cela Kantrida i
Reka, pa tako i naša familija.
Papić je rodon z vele familije Mateta (Mathiasa) i Marije i svoju j mladost užival va
„staroj kuće“. Zrana je zavolel motori i auti. Ta ga j jubav i povukla za šofera familije
Papetti, poznateh rečkeh industrijalci. Fanj mi j puti povedal o temu kako j šal na vijaji
va Alpe kamo su Pepetti šli na ferije. Na početke Drugega svetskega rata mobiliziran
je va talijansku vojsku, a kad je Talija kapitulirala, šal je va partizani. Va tenkovsken
odrede ratoval je po zapadnen dele Hrvacke, a z drugemi j partizani bil i borac za
oslobođenje Trsta i okolice. Od rata i semu ča se j va rate dogajalo, ni puno govoril,
ale mi j za uspomenu pustil kanoćal kega j kot tenkista nosil. Ta kanoćal i danaska
visi na jenen zide kuće va koj bivan. Otac je jako bil vezan za moju sestru Alice, koj
je prenesal jubav prema motoron i trkami. Hodila je ž njin na trke keh je bilo čuda
polovicun pasanega veka. Trke j organiziralo ili jeno auto-moto društvo med sobun ili
su bile organizirane med različitemi društvi, a va ocjenskoj je vožnje morala pasat se
postavne prepreke va ča manje vremena. Papić je vavek bil po trkah i osvajal pehari.
Pokla rata zaposlil se j kot vozač va poduzeće Ukod, pokla nazvano Drvno industrijsko
poduzeće Rade Šupić. To j bila prva jugoslavenska tvornica parenega drva z sjedišten
na Sušake. Ki put se j šlo na izleti s kamijonon ki j vozil Papić, a va ken su bili delavci
DIP Rade Šupić i njihe familije. Na temi j izleti bilo puno smeha, škerca i diverti- 31
menta, kako za stareji tako i za nas dečinu. Tvornica j delala šperploče, skije, fanj
prvo lego Elan, kot i sakakove druge kaselice i škrinjice. Fermala j delat 1970. leta, a
onda j Papić šal va Autotrolej i tamo j vozil trolejbus do penzije. Kot aktivni djelatnik
i za doprinos razvoju više j puti bil nagrajen. Bil je član auto-moto društva ko j kroz
vreme menjalo naziv od Rijeka, Preluk, Rudolf Štiglić pa na kraje opet do Rijeka, ale
kako got se zvalo, vavek je bilo trdo vezano za svoj grad, Reku, i za svoji člani.Otac je
bil aktivan va rukovodstve auto-moto društva i va organizacije trk i i drugeh događanji.
Posebno mesto va njigoven sportsken rade vežuje se uz Velu nagradu Jugoslavije, va Bruno Grbac - Autoportret
pripremah, organizacije, ale i va samen dele suca jira na Preluke. Spamećujen ga se
kot čoveka ki j bil posensega posvećen familije. Za nju je va teškemi vremeni počel
i finil delat kuću va koj danas živeje moja familija. Pustil nan je čuda tega, kuću ku j
