Page 32 - Bruno Grbac Autoportret_12_3_listbook
P. 32
ORENI storil z teškun mukun i z malo soldi, ma važneje i se ono ča nan je va duše i va srce
spravno. Kuća j bila potreba, ma ni bilo soldi, a ni materijala za kupit. Papić, kad bi
došal z dela i pojil obed, ki ga je vavek čekal na stole, užal je pižoloto, malo počinut, a
pokla bi šal delat do kasno večer. I tako z dana va dan. Ki put je z materun šal pobirat
opuke z kuć zrušeneh va rate i tako j nabiral materijal za nastavit delo. Materin brat
vidi po lepo sklesanen kamike ki j stavan va zidi od kuće. Umrl je va 86. lete, a za
K Drago čuda j svetovanjen i z delon pomagal dokla se j kuća delala, a to se i danaska
života j dočekal dvoji vnuki po rode od sestre i dvoji vnuki po mojoj strane.
Mat je vavek mat. Rodila me j kad je imela 41 leto, ča je za ono vreme bilo malo čudo,
ma san radi tega bil više kokolan. Sestra j onda već bila prava divojčica (imela j 11 let),
pa se na me čuda više pazilo. Živeli smo dosta siromašno, manje više kot i si drugi
okol nas, najveć od žira i verduri ka je zrasla na našoj zemje i od kokoš, kunelići i
kozjega mleka. Ki put je tega bilo i malo preveć pa kad su kumadori dobro rodili, jilo
ih se j i za marendu, i za obed, i za večeru. Mat je rojena va familije Luksetić-Antejovi
z Rukavca. Kot divojka j delala va krojačken servise v Opatije, kade j i navadila krojit
i šit, pa kad je se odbavila va kuće i okol familije, krojila j i šila za ki solad zaslužit.
Pokla ženidbi preselila se j na Kantridu kade j počela živet s Papićen. Na bračno su
putovanje šli va Taliju (Venecija, Rim), a pokla tri leta rodila se j Alice, moja sestra.
Kot i druge familije, Drugi svetski rat razdvojil je i našu. I delo na kuće j fermalo.
Pokla rata živjenje ni bilo lahko, ma j jubav med ocon i materun pripejala i mane na
ovisti svet. Mat je skrbela za familiju, obdelevala j zemju, sadila i sela žir i verduru,
skrbela okol kokoš, kunelići i koz, keh je držala va štalice i va gajbah zad kuće. Se j to
pomoglo da moja sestra Alice i ja lagje zirastemo va svoji judi. I danaska se spametin
belega kafa i marmelade, ku j sama parićevala, namazane na kruh keh mi j nosila
va kamaru. Hvala ti, mama! Robu nismo kupovali aš ju j mat šila za su familiju; na
mašine za šit Necchi, ku i danaska nastan. Domišjan se kafeneh brageš i kamižulina
keh mi j storila za maturalno putovanje. Toliko mi se j pijažalo da san i pokla smiron
32 bil va ten.
Roditeji su mi doživeli duboku starost. Va lepen sjećanje mi j ostala proslava njihe
50. godišnjice braka, ale zletnega pira. Došla j cela šira familija Grbac-Totić i pokla
zaveti keh su nanovo jedan drugemu dali va crekve, šli smo Ronjgon na obed. Ontrat
Bruno Grbac - Autoportret drugega imeli pokla seh let i koliko su zadovojni životon ki su skupa proživeli. Duše
se j zatancalo i zakantalo. Lepo j bilo videt koliko su jubavi mama i Papić jedan za
su nan bile pune.
Sestra Alice rodila se j 1938. leta pul Matuj, ki su onda bili pod Talijun pa j rad tega
imela i talijansko državljanstvo. Domišan je se još kot otročić ma se nismo baš igrali
zarad razlike va leteh. Ona j onda već bila divojka i imela j svoju kunpaniju. Otac ju je
