Page 2 - SANGKURIANG KABEURANGAN

SANGKURIANG KABEURANGAN

Sumber: Panggelar Basa Sunda (Penerbit Erlangga)

Rébuan taun ka tukang, wewengkon Sunda diheuyeuk ku hiji raja anu kasohor

adil palamarta. Ari panagresepna éta raja téh kana moro sato di leuweung. Sato

sabangsa mencek, bagong, lutung, jeung sarupaning manuk mah saban miang moro ge

nepi ka nyamos.

Dina hii poé,waktu keur aya di jero leuweung, raja teu kiateun hoyong

kahampangan. Ari éta cai kahampanganana katandéan ku batok urut duwegan.

Kabeneran,sajungna raja ninggalkeun tempat urut kahampanganana téa, aya bagong

bikang ngaliwat. Éta bagong anu ngaranna Wayungyang téh bangun halabhab naker,

da barang nempo aya cai nguyumbang dina batok téh langsung diinum.

Anéhna, teu lila ti tas nginum cai dina batok anu taya lian cai kahampangan

raja, Wayungyang langsung reuneuh. Malah teu lila ti harita Wayungyang teh

ngalahirkeun. Anakna jelema, awéwé. Ku saliwatan katénjo, pigeuliseun éta budak

téh. Bubuhan anak raja. Éta orok téh tuluy dirorok ku Wayungyang, tur dibéré

ngaran Dayang Sumbi.

Kacaritakeun geus mangkat rumaja, Dayang Sumbi meredih ka Wayungyang

malar ditepungkeun jeung nu jadi bapa. Teu hararésé, harita kénéh Dayang Sumbi

dianteurkeun ka karaton. Wayungyang bébéja ka raja, yén éta budak awéwé téh

taya lian putrina raja, anu lahir tina cai kahampanganana waktu moro ka leuweung

téa. Raja langsung percaya kana omongan Wayungyang, tur harita kénéh nitah

Dayang Sumbi pikeun cicing di karaton. Ari Wayungyang mah mulang deui ka

leuweung. Sanggeus sababaraha waktu lilana cicing di karaton, Dayang Sumbi

ngarasa sono ka indungna. Tuluy bébéja ka raja, maksudna rék nepungan

Wayungyang di leuweung. Ngan sanepina di leuweung, Dayang Sumbi teu langsung