Page 5 - SANGKURIANG KABEURANGAN

Hiji poé, basa Dayang Sumbi keur nyiaran éta jajaka, Dayang Sumbi kacida

reuwasna barang ngarampa aya urut tatu sagedé buleudan sinduk dina sirah éta

jajaka. Ras Dayang Sumbi téh ingeteun ka anakna, Sangkuriang anu sababaraha taun

ka tukang ditakol ku sinduk. Atuh teg waé, Dayang Sumbi ngarasa yakin yén jajaka

anu ayeuna keur disiaranana téh anakna, Sangkuriang téa. Ngan barang éta hal

ditepikeun ka Sangkuriang, manéhna teu percayaeun. Sangkuriang kalah boga pikiran

goréng, éta mah ukur alesan sangkan Dayang Sumbi teu jadi kawin jeung manéhna.

Sangkuriang keukeuh teu percayaeun yén Dayang Sumbi téh indungna, malah

kalah terus ngangajak kawin. Dayang Sumbi teu béakeun akal Heug cenah daék

dikawin ku Sangkuriang saratna ménta dipangngabendungkeun Sanghyang Tikoro

jeung dipangnyieunkeun parahu keur lalayaran dina waktuna panganténan. Pagawéan

téh kudu réngsé waktu sapeuting.

Ninggang di Sangkuriang anu gagah sakti, paménta Dayang Sumbi téh

disanggupan. Kalawan mepek baladna ti bangsa jin jeung siluman, Sangkuriang

ngamimitian gawé. Méméh wanci balébat, ngabendung Sanghyang Tikoro jeung

nyieun parahu téh geus méh bérés.

Lantaran apal pagawéan Sangkuriang téréh réngsé, Dayang Sumbi usaha

satékah polah pikeun ngagagalkeunana. Dayang Sumbi meredih ka kabéh warga

sangkan nutu paré jeung ngélébétkeun boéh rarang nepi ka hayam raong

kongkorongok da disangkana geus datang waktu isuk-isuk. Nya harita Dayang Sumbi

datang ka Sangkuriang nepikeun béja yén Sangkuriang geus gagal pikeun ngawin

Dayang Sumbi.

Ku lantaran ambek jeung apal yén Dayang Sumbi geus ngagagalkeun

rencanana, teu antaparah deui parahu anu geus méh réngsé téh ditajong ku

Sangkuriang nepi ka nangkubna. Éta parahu nangkub téh robah Gunung Tangkuban