Page 26 - MIN VOS

AWEMainta Diamars, 17 October 2017 17

Despues a reuni cu partidonan MEP, POR y RED

Formador a cuminsa atende Acuerdo di Formacion

AYERA e trabaonan di Formador a cuminsa
basa riba e tarea di formacion cu sra. Evelyna
Wever-Croes a ricibi for di sr. Gobernador. E
Formador a scoge sala di conferencia di Aruba
Ports Authority como su sede.
Despues di e conferencia di prensa, unda e.o.
a participa cu MEP, POR y RED a duna di
conoce cu nan ta dispuesto pa duna Aruba
un Gobierno di coalicion, pa cual ayera caba,
nan a cuminsa na discuti riba e Acuerdo di
Formacion.

Formador mr.Evelyna Wever-Croes a habri e
reunion cu e lidernan di e partidonan MEP,
POR y RED hunto cu nan conseheronan pa
delinea con e proceso di formacion ta wordo
ehecuta.
E reunion a wordo suspendi p’e partidonan
por bay den nan seno pa discuti detayenan di
entre otro e Acuerdo di Formacion cu a keda
anuncia durante di e conferencia di prensa.

Den oranan di merdia Director di Departa-
mento di Finanza, sr. Derrick Werleman, a
reuni cu Formador.
E intercambio tabata hopi intensivo na unda
Formador a ricibi hopi informacion encuanto
e situacion financiero di Pais Aruba.