Page 31 - MIN VOS

AWEMainta Diamars, 17 October 2017 29

Keith Cayama, Pedro Cruz, Brishna Cathalina,

Ian Jansen, Dustyn Quandus y Dudi Perez a

wordo scogi pa Best of the Best

KEITH Cayama di Stichting Caribbean
Taekwondo Institute a laga un bon sabor
atras despues di su pelea contra di Micheal
Noel di Brazil Taekwondo Stichting y te cu
e dia di awe nan ta papiando di e pelea aki.
Brazil Taekwondo a reuni tocante di Keith
Cayama su pelea cu a hala hopi atencion
n’e ultimo campeonato, mirando tambe cu
Surinam ta bay bin cu bringado di heavy
weight, Keith Cayama por conta cu pelea
contra di Surinam.

Pedro Cruz, Brishna Cathalina, Ian Jansen,
Dustyn Quandus y Dudi Perez di Noord
Taekwondo Center no a keda atras y tambe
a logra sigura nan participacion na Best of
the Best 2017.
E lista di e paisnan participante a aumenta
pa Best of the Best y Aruba su atletanan lo
bringa contra di paisnan internacional.
Corsou a confirma nan participacion na Best
of The Best, Corsou ainda ta cana cu e idea
di gana Aruba y ta preparando duro p’esaki.
Corsou a logra gana medaya di Brons na
Pan Americano na Costa Rica y ta pensa cu
Aruba ta bay ta facil pa gana.

Brazil Taekwondo Stichting ta desea tur
e atletanan cu a wordo selecta exito y pa
nan bin bon prepara pa Corsou, Surinam,
Colombia, Chile y Merca.