Page 12 - bon-dia-aruba-20210426

a12 riba caya
Dialuna 26 aPRil 2021

Hoben turista herida den accidente cu UTV

Diabierna ultimo den careda di mainta na Bushiribana bay
ariba un famia completo di turista riba nan utv a pasa bay,
pero pa un motibo of otro un di nan a perde control y a bolter
cu e utv y un hoben a resulta herida. Polis a keda dirigi di
biaha pa e sitio y unidad di ambulance mester a presenta pa
atende cu e hoben. Paramedico a atende cu e hoben di biaha
pa haya atencion medico y a keda transporta pa hospital. Polis
di trafico tambe tabata presente pa haci su investigacion pa
saca afo kico a causa cu e utv por a bolter

Señora a dal den auto staciona y bolter na Pastoor Hendrikstraat

Diadomingo mainta riba Pastoor Hendrikstraat na San Nico-
las un señora coriendo den un Kia Rio a dal den un auto sta-
ciona y bolter. E auto a keda mei mei di caminda y e persona
mes tabata herida. E accidente a pasa net momento cu per-
sonalnan di cruz cora ta pasando y a baha atende cu e victima.
Polisnan y ambulance a presenta rato despues. Caminda a
keda cera pa Polis pa personalnan medico atende cu e señora
y keda transporta pa hospital. Polis di trafico tabata presente
pa haci su investigacion y tuma dato relaciona cu e accidente