Page 10 - bon-dia-aruba-20210827

a10 advertorial
Diabierna 27 augustus 2021

Paseo Herencia ta continua

cu su programa

“Gift of Education

2021/2022”

Paseo Herencia ta conoci di pone hopi enfoque riba
locual ta cultura di Aruba y na mes momento apoya nos
atletanan y artistanan local. Desde 2015 Paseo Herencia
a inicia su programa di Gift of Education cu e meta pa
yuda paga e gastonan di estudio di e muchanan asina
aportando na educacion di nos hobennan brindando
oportunidad pa logra nan meta di un educacion avansa
no obstante nan situacion financiero.

Paseo Herencia ta kere firme den un bon educacion y ta keda
para tras di e hecho cu asina cu bo tin un educacion ningun
hende por kita esaki di bo y soñonan por wordo alcansa. Ade-
mas, un persona bon educa por contribui na e progreso di su
pais.

Un di e rekisito di e programa ta cu tanten cu e muchanan
keda bay bon na scol nan lo keda haya e sosten di Paseo Her-
encia den e parti financiero pa nan por sigui studia na Aruba.

Diaranson atardi pa clausura di vakantie Paseo Herencia a in-
vita e famia nan pa un dushi treat di TGI Friday’s na Paseo
Herencia. E muchanan a haya un shopping bag cu contribu-
cionnan di Maggy’s, Starbucks, Vadavas, Beach N Flips y the
Athlete’s Foot. E studiantenan a wordo invita tambe pa pasa
Caribbean Cinemas pa mira un pelicula durante e temporada
di vakantie den salanan VIP.

Ademas di e Gift of Education, e aña aki Paseo Herencia tam-
be a aporta na e programa di
“Adopt a youth for Gen297” organisa dor di Asociacion Trabao
di Hubentud na Aruba (ATHA) y asina aporta na e desaroyo
di nos hobennan cu programanan educativo despues di scol.

Paseo Herencia lo continua di sostene nos hobennan y ta de-
sea tur mucha un bon aña escolar 2021/2022.