Page 7 - bon-dia-aruba-20201114

a7
local Diasabra 14 November 2020

Santa’s Causes Aruba enfoca riba regalo pa mucha

den temporada di Pasco

Temporada di Pasco ta den porta, pero pandemia Co-
vid-19 a cambia e situacion pa uno mas dificil, mirando
impacto economico y social cu el a trece cune. Pero esey
no ta cambia e bon curason cu algun fundacionnan tin
pa sigui yuda esnan mas vulnerabel.

Den e ocasion aki, Bon Dia Aruba a haci un entrevista cu Ca-
mille Arends, presidente di Santa’s Causes Aruba. Ta trata di
un proyecto di caridad cu a nace na 2018 y cu cada aña den
temporada di Pasco tin e deseo di duna macutunan cu comes-
tibel y un regalo pa minimo 100 mucha cu nan famia ta den
un situacion vulnerabel.

Arends a expresa cu e aña aki ta uno diferente door di pan-
demia Covid-19 y cu nan lo duna e muchanan regalonan so,
pa motibo cu varios fundacion a wordo lanta pa yuda comu-
nidad den epoca di crisis, pa loke nan ta enfoca riba regalonan
pa e muchanan.

Arends a informa cu loke nan kier ta pa duna pa minimo 200
mucha y adolescente entre 0 pa 17 aña un regalo y cu nan tin
como meta cumpli cu tur loke nan por.

El a comenta cu pa fundacion por haci esaki posibel nan mes-
ter di donacionnan y ta p’esey cu ya caba nan a pone ‘donation
boxes’ na algun establecimentonan comercial, pa asina perso-
nanan interesa por haci un donacion. Of esnan cu ta interesa
den adopta un mucha por hiba nan regalo na establecimen-
tonan ey, esey mester tin un budget di entre 35 pa 50 florin.

Arends a bisa cu aña pasa nan a haci entrega di mas di 100
macutu cu cuminda y producto di higiena na tur districto di
Aruba. Ekipo di Santa’s Causes ta conforma pa ocho persona,
entre nan studiantenan y hende hoben profesional, cu dia 19
y 20 di december tin planea haci entrega di e regalonan pa
mayornan di cada mucha cu nan tin den un registro caba, na
un luga cu te ainda no ta sigura, segun loke Arends a men-
ciona.
Loke si el a trece dilanti ta cu lo implementa medidanan di
prevencion pa loke ta trata Covid-19 y lo evita aglomeracion
di hende na momento cu lo haci entrega di regalonan. Di otro
banda el a bisa cu no tur mayor tin e posibilidad pa yega na e
luga, y pa casonan asina, nan lo reparti pa cada miembro di e
grupo ken ta bay hiba e regalo na cas di e mayor.
El a señala cu nan ta trahando cu un lista di Stichting Reclas-
sering. Tambe tin dos lista di hende cu ta yuda mayoria di
hendenan na Aruba cu ta traha cu fundacionnan y nan a duna
pa Santa’s Causes algun nomber, unda cu Arends a sigura cu
ya caba nan tin mas di 300 mucha riba e lista di diferente parti
di Aruba.
E idea di Arends pa duna regalo na muchanan a nace varios
aña pasa. Su tata tabata reparti macutu rond di su trabou y
semper Camille a haya di esaki un gesto hopi bunita, special-
mente con e famianan tabata reacciona.
Pasco ta un temporada di aña unico y e aña aki ta hacie mas
special, pa loke nan ta enfoca riba e alegria di e personanan
cu ta haya un macutu of regalo compara cu hopi hende cu
na rond di mundo lo keda sin ricibi un gesto manera esaki,
personanan mester laga atras cosnan cu no ta importante mas
y biba cu balornan berdadero, cu tur hende por kere den nan
soñonan.