Page 21 - AWEMAINTA

AWEMainta Diabierna, 20 October 2017 21

Dahariana Everstz ta gradua y ta sali pa

Univeridad di Utrecht pa sigui su Masters

DAHARIANA Everstz a gradua riba 3 di augustus
2017 cu un “Bachelor of Arts” p’e programa di “Social
Work & Development” na Universidad di Aruba.
E tabata e prome studiante pa gradua cu un peso di
studio di 253 credito, caminda cu e peso normal ta
240 credito.
Dahariana ta gana e creditonan aki dor di atende e
“Hague Summer School” y sigui modulonan adicional.
Esaki ta testimonio di un studiante cu ta un consumi-
dor real di conocemento. P’e motibo aki, Dahariana
a biaha inmediatamente despues di su graduacion pa
Hulanda pa sigui un estudio riba nivel di masters den
Maneho Social na Univerisdad di Utrecht.

E titulo di Dahariana su tesis ta ‘A Situational Analysis
of the Welfare Services and Social Security Programs
for the Older Population of Aruba: Implications for
Policy.’
Nos ta profundamente gradicido na Wilbert March-
ena kende a guia Dahariana durante su proceso di
investigacion.
Danki n’e miembronan di e comision di calificacion,
Sabrina Sosensein, psicologo na Clinica di Memoria,
Cas pa Anciano SABA y Merl Gibbs, funcionario pa
maneho na Departamento pa Asuntonan Social.

E departamento di “Social Work and Development”
a expresa su gratitud n’e area di trabou social cu a
sostene Dahariana den su entrenemaneto den trabou
social. Un danki ta bay na Enrita Werleman di Mary
Joan Foundation; Carlos Faarup di Federacion Forsa;
Janine Rodriguez di Bureau Slachtofferhulp y Lenny
Geervliet di e Seccion di Cuido di nos grandinan na
Departamento di Salubridad Publico.

Clementia Eugene kende a presidi e ceremonia di
graduacion, a describi Daha como un piedra precioso
poco comun destina pa grandesa, kende Universidad di
Aruba lo haya falta di dje si considera su involvimento
activo den bida di studiante y servicio na comunidad.