Page 23 - AWEMAINTA

AWEMainta Diabierna, 20 October 2017 23

SETAR cu “free Preview” riba

canalnan di FOX Premium

SETAR conhuntamente cu FOX ta anuncia cu entre 19 di oc-
tober te cu 22 di october, tur cliente di Cable Digital cu no tin
FOX Premium den nan pakete por disfruta di e canalnan aki den
forma di “preview”.

FOX Premium, canal nan 220 pa 229 y den HD 420 a 426, ta
yena cu diferente tipo di programacion, tanto pelicula como serie.
Durante e FREE Preview aki por disfruta di diferente programa-
cionnan, di mucha, pa adulto, pa deporte y mas.

Tin programanan manera XXX: Return of Xander Cage; Jack
Reacher: Never Go Back; Teenage Mutant Ninja Turtles; X-Men
y specialmente pa fanaticonan di WWE, diadomingo dia 22 lo tin
TLC (Tables, Ladders, Chairs).

Pa mas informacion por tuma contacto cu SETAR na 525-1700
of bishita nos pagina web www.setar.aw.

ATSA cu donacion

pa ayudo na SXM

DIA 4 di october, Directiva di Cruz Cora Aruba a ricibi bishita di sr.
Ursell Arends, Presidente di Aruba Timeshare Association.
Aruba Timeshare Association a wordo funda na 1994 y ta representa
e 15 propiedadnan di timeshare na Aruba

Den un esfuerso pa yuda cu e sosten y recuperacion di St. Maarten
despues di Horcan Irma, Aruba Timeshare Association a haci un en-
trega di un donacion di AWG. 25.000 na Cruz Cora Aruba.