Page 24 - AWEMAINTA
P. 24
24 AWEMainta Diabierna, 20 October 2017
Disfruta di hummus, falafel, shoarma y mas
Renaissance Aruba ta
presenta ‘Marhaba’
Ta ora! Esaki si bo no por perde!
CONTINUANDO cu e serie di pop-up cu Renaissance Aruba a
bin ta ofrece na ex-Carpe Diem Restaurant, t’e momento pa haci un
biahe culinario pa ciudadnan Arabe y presenta ‘Marhaba’.
Diabierna dia 20 di october y diasabra dia 21 di october Renaissance
Aruba ta invitabo pa un experencia Arabe, cu lo keda completa pa
belly dancers, complimentary Henna Tattoo, Cava Coffee na yegada,
musica y un variacion di delicianan Arabe!
No simplemente un ‘shoarma’, e nomber oficial ta Shawarmen y por
disfruta di dje sea di lamb of galiña- combina cu su vegetal, saus di
konoflok, batata y mas.
Sali for di e zona di comfortabilidat y purba un Kofta, esaki ta carni
mula cu aros y yoghurt- of e Fish Harra, un filet di pisca cu saus
pica riba un pita.
Tambe tin e Chicken Kabsa, cu ta e roasted chicken, cu aros basmati
y un mescla di ingrediente Arabe.
Mas tradicional? Purba e Shisk Tawouk, cu ta e grilled skewer y e
ya popular Shisk Kebab cu ta e Beef Skewer.
E menu ta reparti den, platonan friu manera e Hummus, Tabouleh
(salada), tambe platonan cayente manera e dushi Falafel, Sojouk
(beef sausage), Batata Harra (spicy fried potatoes) y finalmente e
platonan principal ya menciona.
Claro, tin dessert y ta recomenda e Baklava (filo, nuts sweet).
Diabierna y diasabra lo habri ‘Marhaba’ for di 12’or di merdia pa
lunch te cu 10’or di anochi.
E chefnan di Renaissance lo presenta un combinacion di diferente
delicia Arabe. ‘Marhaba’ cu enrealidad ta un saludo y ta nifica ‘hallo’,
lo ta situa n’e localidad ya di custumber, dilanti di Renaissance Mall
na ex-Carpe Diem Restaurant.
Reservacion no ta necesario.
