Page 34 - AWEMAINTA
P. 34
34 AWEMainta Diabierna, 20 October 2017
Brazil Taekwondo a bishita varios personahe
importante p’e preparacion di Cena di Pasco
DEN e fin di siman nos tras, e atletanan di e team di “Train Hard
Fight Smart” di Brazil Taekwondo Stichting a bishita varios per-
sonahe importante den nos comunidad.
E bishita di cortesia di e atletanan aki tabata pa saca potret hunto
cu e personahenan aki cu lo wordo usa n’e Cena di Pasco di Bra-
zil Taekwondo Stichting dia 12 di december den Centro di Bario
Brazil.
Mirando cu e Cena di Pasco tin su preparacion cu e ta hiba cune,
semper nos ta cuminsa prepara for di luna di september p’esaki. E
ta tuma masha hopi tempo y trabou, specialmente ora cu ta trata
semper di un Cena di Pasco inolvidabel y cu masha hopi sorpresa.
E aña aki prensa ta bay ta mas central n’e Cena di Pasco aki, mi-
rando tur locual cu ta wordo haci.
E siman aki e team a bishita sr. Di-Estefano Wernet di Lotto pa
Deporte, Toko Winklaar y Famous Dias di AWEMainta, Grand
Master Marilu de Veer, Claret Lopez di e programa di Time Out,
dr. Guaicaipuro Jimenez Presidente di Aruba Taekwondo Bond,
Andrew Vrolijk di Tele Aruba y Grand Master Chaco Cornelio.
Tur esnan cu a saca potret hunto cu e team di Train Hard Fight
Smart di Brazil Taekwondo Stichting a keda masha contento y e
potret lo keda como un bon recuerdo pa bida.
