Page 39 - AWEMAINTA

AWEMainta Diabierna, 20 October 2017 39

E cara tristo di prins George riba

su prome dia di kleuterschool

SEPTEMBER no tabata un luna facil pa prins Wil-
liam, Kate Middleton y nan yiu homber, prins George,
kende a wordo cambia for di Montessori pa un scol
caminda Cara Delevingne a studia, esta e Thomas’s
Battersea School, ubica 20 minuut leu di su cas, Kens-
ington Palace.

Prins George su dianan di biaha rond mundo y conoce
lidernan mundial, den un vakantie cu tabata parse di
ta eterno, a yega su final.
Ya ta den pasado e dianan caminda nos tabata celebra
tur su caranan tutu.
Awor, prins George ta wordo hiba scol tur mainta dor
su tata, prins William, como cu su mama Kate ta sufri
di malestar di embaraso cu a dal’e pisa e biaha aki.

E scol mes no tin’e facil tampoco cu nan alumno nobo.
Segun The Telegraph, un hende muher a wordo deteni
pasobra el a purba drenta e scol di prins George, dia 13
di september atardi.
Pa dos dia consecutivo nan a mira e muher aki ta cana
rond di e scol y pa es motibo autoridadnan a disidi di
pone man ariba dje, locual cu a hasi cu e scol mester a
reinforsa nan seguridad.

E decision di prins William y Kate Middleton di scohe
e scol aki a keda anuncia riba e Twitter di ‘The Kens-
ingston Palace (@ KensingtonRoyal), account oficial di
e duquenan di Cambridge, prin Harry y su fundacion.