Page 35 - AWEMAINTA

AWEMainta Diabierna, 20 October 2017 35

Despues cu a stop Copa Antiano for di 32 aña pasa!
Coca Cola-Nacional lo representa Aruba den Copa ABC na Bonaire

PA 25 aña largo a organisa e Copa Antiano di Futbol, cu a inicia
na 1960. E ultimo Copa Antiano tabata na 1985 y despues cu
Aruba a haya su Status Aparte na 1986 no a organisa esaki mas.
Algun club mes a purba di organisa Copa ABC, pero nan a stop di
haci esaki y awor Arubaanse Voetbal Bond (AVB) ta purbando di
organisa e ABC Cup. E aña aki lo tuma lugar den luna di november
awor e torneo di futbol di A-B-C.
E torneo aki ta un iniciativa di Presidente di AVB, ing. Richard
Dijkhoff, kende a cuminsa traha riba dje 3 aña pasa.
A cuminsa traha riba e concepto aki, pasobra a ripara cu no tin
nada cu ta sosode entre e islanan di Antias. Y di esey a cuminsa
cu diferente combersacion cu e Presidentenan di e Federacionnan
di Corsou y Bonaire, unda cu a purba di yega n’e ABC Cup.

Pero pa motibonan organisatorio, unda cu e campeonatonan di
futbol di Corsou y Bonaire no ta core paralelo cu di Aruba, esey a
pone cu tabatin problema pa organisa un bon ABC Cup. Richard
Dijkhoff a elabora cu e aña aki e campeonatonan ta core practica-
mente paralelo, unda cu Aruba y Bonaire ta core casi mes momento,
mientras cu Corsou a cambia nan formato.
Nan a adapta nan campeonato y awor tur 3 campeonato ta core
paralelo. Esaki a haci posibel y awo a nan a sinta hunto pa por
organisa ABC Cup.

Na Bonaire nan ta organisa e torneo internacional y sintando cu
nan, a dicidi di probecha di e oportunidad aki pa organisa e ABC
Cup entre Aruba, Bonaire y Corsou.
E federacionnan a bisa cu esaki ta un inicio y tanten cu yega Bonaire
cu e campeon di Aruba. Aki lo sigui amplia mas riba esaki, unda cu
lo trece bek manera tabata conoce den pasado como Copa Antiano.
Pa’e futbol di Aruba competi den un competencia internacional
aki tin su beneficio y e Presidente di AVB a expresa cu e teamnan
di Aruba por midi nan mes con nan ta para den futbol entre e tres
islanan.

Un campeon di Aruba lo enfrenta campeon di Corsou, unda cu lo
midi con e diferencianan ta, pero di otro banda esaki ta un inicia-
tiva p’e teamnan trata di bay un bon campeonato y sali campeon
di Aruba den futbol.
Na momento cu e team sali campeon di Aruba, nan tin e garantia
di bay hunga wega internacional, sea esaki ta na Aruba, Bonaire
of Corsou. Esey tambe ta duna bek n’e sacrificio y esfuerso cu
hungado, coach, dirigente ta haci. Esaki t’e prome fase, asina el
a elabora.

Despues di esaki ta sigui e preparacionnan, pasobra danki n’e
cooperacion cu CONCACAF e team di Coca-Cola Nacional lo bay
ta participando den e prome kwartaal di 2018 un torneo interna-
cional unda teamnan campeon di Caribe lo topa otro.
AVB ta trahando duro pa duna bek na tur esun cu ta participa den
futbol, unda cu ta duna nan algo p’asina nan por bisa cu porfin
como hungado ta keda reconoci.
Apart cu ta reconoce nan den un actividad manera di Futbol Aruba,
awor nan ta haya reconocemento pa motibo cu AVB conhunta-
mente cu e partnernan manera Fundacion Lotto pa Deporte ta
percura pa nan yega e torneonan aki. P’asina nan por hunga futbol
internacional y midi con nan ta para den futbol.