Page 37 - AWEMAINTA

AWEMainta Diabierna, 20 October 2017 37

Soccer Institute Aruba su voetbal clinic

di 2 dia cu ex-Hungador professional

Robin Nelisse tabata un exito rotundo

SOCCER Institute Aruba (SIA) recientemente a
organisa, pa di dos biaha, un voetbal clinic di dos
dia, conhuntamente cu ex-hungador profesional
Robin Nelisse, conosi di Feyenoord, SC Cambuur,
AZ, FC Utrecht y Red Bull Salzburg.
E clinic a tuma lugar dia 4 y 5 di october, di 9’or
pa 11’or di mainta, na Compleho Deportivo Frans
Figaroa.

Durante e clinic muchanan a goza di dos ora di
voetbaltraining di trainernan cu experiencia.
E trainernan a comparti nan experiencia y conose-
mento di futbol cu tur e muchanan na un nivel pro-
fesional, tambe dor di presencia di Robin Nelisse.
Robin Nelisse, cu a yega di hunga profesionalmente
p’e conosido club Hulandes Feyenoord, por cierto
tin un tata Arubiano y ta sinti un laso cu Aruba p’e
motibo ey, awor ta jeugdtrainer di FC Feyenoord.
E dianan a wordo varia cu training y actividadnan
di voetbal caminda un experiencia placentero ta-
bata central.

E clinic tabata pa muchanan entre 4 cu 14 aña, y
muchanan cu no tabata miembro actualmente di
SIA tambe tabata bon bini n’e voetbalclinic aki.
Asina por a conta un 110 mucha cu a atende e
clinic aki durante nan herfstvakantie.

Soccer Institute Aruba (SIA) ta enfoca riba pro-
fesionalismo y calidad. Esey kiermen cu nos ta
percura pa tin guia apropia p’e muchanan.
Banda di un trainer general, semper lo tin un of
mas trainer disponibel cu atencion personal y in-
dividual pa cada mucha cu mester di esaki.
Apart di e guia apropia, tambe nos meta ta pa
ofrese continuamente trainingnan inovativo y
educacional.
Pa mas informacion por tuma contaco cu
info@siaruba.com of yama 593-8836/ 747-0259