Page 19 - MIN ON

schoolgeld, of un rapport, pa mustra cu e mucha ta bay scol ainda y tambe e
carchi bieu, pa por recarga esaki.

Na e momentonan aki, segun Sr. Daou nan ta renobando na nan oficina
principal di Sabana Blanco, di 8 or di mainta te cu 3 or y mei di atardi. Esaki ta

di dialuna te cu diabierna. Den futuro, Arubus lo anuncia cu esaki lo ta posibel
na nan busstation di Oranjestad, y tambe probablemente na e busstation di San

Nicolas. Esaki ta pa facilita e mayornan y tambe e muchanan, pa asina ta un tiki
mas cerca pa asina nan bin renoba nan carchinan.

Tur aña e interes pa haci uzo di busnan di scol ta creciendo, segun Sr. Daou.
Actualmente tin hopi drechamento di caminda aki aya, cu ta haci cu tin poco

mas trafico cu normal. Esaki ta trece cun’e cu ta bira mas dificil pa e mayornan
hiba nan yiunan scol y nan yega na ora. Pesey hopi mayor ta opta pa haci uzo

di e busnan di scol. Pa Arubus ta un prioridad pa e muchanan yega mas
trempan posibel y semper tin manera pa nan yega. Un biaha mas, e trafico tin

biaha algun biaha tin caminda ta tranca, pero Arubus ta haci su best pa e
muchanan ta na ora. Nan ta hopi contento con e mayornan ta responde cu e

mayornan ta zorg pa e caarchi pa nan yiunan.

Sr. Daou a enfatiza cu nunca nan ta stop di renoba e caarchinan. Bo ta haya

muchanan cu na comienso di aña escolar no tabata haci uzo di e busnan
escolar, pero despues si ta dicidi di haci uzo di dje, y Arubus ta dunanan e

servicio aki.

E studiantenan ta saca nan carchi, sin cu nan mester warda. Ta evita pa tin
rijnan largo, ya cu esaki ta trece descontento cun’e, y hendenan ta rabia. Asina

ta, mayor, purba di bin trempan pa haci esaki den un ambiente hopi mas rustig,
segun Sr. Sannin Daou, PR Marketing di Arubus.