Page 42 - KPA

Coleganan y famia di e agente cu a tira, a
protesta dilanti oficina di Landsrecherche

1 min ago 0 0 Views

Vondellaan – Dialuna anochi laat a drenta informacion cu dilanti oficina di Landsrecherche tin varios
persona para.
Segun nos a compronde, cu lo tawata trata di algun agente policial y tambe famia di e agente Fam Lacle,
cu a tira e homber mata na Boegoeroei.
Loke aparentemente nan no tawata di acuerdo ta cu den e ora laat ey, Landsrecherche lo kier of a bay pa
interoga agente Lacle.

Cantidad grandi di polis a actua y ta detene
homber cu posibel problema mental

7 mins ago 0 2 Views

Caya Frere Johannes – Dialuna anochi den careda di 10’or varios polis a bay Caya Frere Johannes,
caminda lo tin un pelea formal.
Informacion adicional tawata bisa cu un persona cu lo tin problema mental, lo ta esun cu a maltrata un
familiar cu un biga.
Mirando cu ta trata di un caso di un persona cu posibel problema mental a manda mas patruya, mirando
loke a pasa algun rato prome na Boegoeroei.
Na yegada di e patruya nan a logra domina e homber, cu segun habitantenan lo ta usa droga y ya varios
biaha lo a ta haya mal trip y ta cuminsa papia problemanan di antes.
Na e sitio por a nota masha hopi auto di polis, cu a yega pa refuerso
Transportwagen a yega y ela wordo poni den dje y transporta pa warda.
Polisnan a sali cu un biga basta largo, cu e lo a of kier a usa pa maltrata e familiar.

Detencion ariba caya di 3 homber cu tawata actua
sospechoso y cu lo por tawata arma

1 min ago 0 0 Views

Palm Beach – Dialuna algo prome cu 7’or di anochi altura di Paseo Herencia, varios unidad policial a para
un Toyoya Yaris color shinishi. Den e auto tawata tin tres cabayero.
Excelsior casino
Algun rato prome, polis a haya informacion cu e auto aki lo tawata staciona cerca di e casino aki, cu ta
situa na Holiday Inn hotel.
Parse cu un di e hombernan aki a baha y un persona lo a wak cu e tin un arma di candela.
Polis no a confia e caso, mirando cu den pasado e casino aki a yega di wordo atraca y tambe e high rate
di atraco cu Aruba tin.
Pues manera cu nan a sali y cuminsa move direccion zuid, nan a wordo intercepta, caminda cu cautela a
bahanan y ponenan abou.
Mientras tanto polisnan tawata rista e vehiculo pa arma, pero no ta haya nada.
Tur a tres a splicanan e motibo pakiko nan ta wordo deteni y cu na warda di polis nan lo controla nan si
tur cos ta ok.
E Toyoto Yaris tambe a ser hiba warda di polis, caminda cu K9 Unit lo mester a haci uso di e cacho pa
wak si tin arma di candela scondi un caminda.

Venezolano drumi dilanti negoshi na Tanki Flip cu
masha hopi dollars ariba dje

1 min ago 0 0 Views