Page 43 - KPA

Tanki Flip: Dialuna den oranan di mainta, polis ta wordo manda na altura di Pencro na Tanki Flip pa
motibo cu lo tin un hende drumi riba vloer dilanti e negoshi di cellular Pencro, cu ta keda un poco pariba
di e rotonode Tanki Flip
Na yegada enberdad nan a bin topa cu un homber drumi riba e vloer, na momento cu polis a bay lanta e
homber nan a nota cu e tin stapel y stapel di placa den su saco di carson. Mesora nan a puntre pa su
documentonan y e no por a mustra nan nada otro cu ta stapel di dollars.
Despues cu ela medio bin bij, ela bisa polis cu su documentonan ta den su auto, cu ta para un poco mas
pabou. Ela splica polis cu ela haya un flat tire y a cuminsa cana pa bay su cas pero na altura di Pencro
sonjo a dal’ey ela dicidi di dal su drumi eynan.
E homber ainda tabata basta tolondra di alcohol, debi cu ainda e ta bou influencia pa su seguridad y di
otro a dicidi di detene y hib’e Warda di polis unda ela haya un cuarto gratis.
Na momento cu nan tabata hibando e na e transportwagen nan a descubri mas stapel di placa. Riba
caminda pa Warda di polis enberdad nan a bin topa cu e auto preto cu flat tire di e homber, esaki no
tabata tin solamente un flat tire pero cu lo por tabata envolvi den caso un hit and run. E placa y e auto a
keda mientrastanto confisca.

Nissan March ta dal contra auto para banda di

caminda altura di Wayaca Falls, un dama lo a

keda seriamente herida

1 min ago 0 0 Views

Wayaca – Dialuna mainta algo prome cu 6’or un accidente serio ta sosode altura di Wayaca Falls.
Segun nos a compronde un auto lo a haya flat tire y nan lo tawata cambiando e tire pa por continua nan
caminda.
E autonan envolvi ta un Nissan Sentra, un Nissan Platina y un Nissan March.
Un total di tres persona a resulta herida. Loke nos a compronde na e sitio ta indica cu aparentemente
manera nos a bisa caba cu a bay pa cambia un tire y e Nissan March bahando di pariba ta dal cu
velocidad halto na banda robes di e Platina.
Debi na e impacto aki e personanan cerca a resulta herida. Na yegada di polis personal di ambulance cu
tawata cerca tawata atendiendo cu un dama cu a resulta gravemente herida y no tawata na tino. E lo
tawata hala rosea poco poco.
E dama aki mirando su situacion cu ta serio a wordo transporta cu urgencia pa hospitaal, mientras a keda
trata e otro heridonan.
Door cu ta trata di un accidente hopi serio, a pidi presencia di departamento tecnico di polis y tambe
specialista di trafico.
E caminda a wordo cera ambos banda, caminda investigacion a dura algo mas cu 2 ora largo.
Pues aki ta trata di un accidente hopi lamentabel y investigacion lo tin di determina kiko exactamente a
sosode.

Accident den cual dama chauffeur di un S.U.V. no

ta duna motociclista preferencia y ta dal brommer

lagando e motociclista herida

1 min ago 0 0 Views

Cura Cabay: Diadomingo den oranan di marduga ta sosode un accident entre un auto y un brommer, un
poco mas pabou di Wendy’s Cura Cabay, polis y ambulance mesora ta wordo manda na e sitio.
Na yegada nan ta bin compronde cu un dama manehando un S.U.V. a bin di panort y a subi caminda sin
duna preferencia na e brommer cu tabata bayendo direccion pabou riba e caminda principal.
E impacto fuerte a laga e motociclista a keda herida, despues cu personal di ambulance a trat’e na e sitio
a transport’e pa hospital.