Page 45 - KPA

Na e sitio polis a bin compronde cu loke a pasa ta cu un di e personanan cu tabata na e sitio, a reta e
otro pa yega paso esun na e sitio tabata debe e otro placa di aparentemente un auto cu elo a cumpra for
di e otro. Ora e otro persona a yega a start un discussion, den cual esun cu tabata na e sitio a bisa e
otro, cu e no lo pague tampoco y a pusha e otro pase door di un porta di glas, e otro a keda herida cu
varios corta na curpa, ora e la mira sanger, ela pasa man pa un pida palo, a dal esun cu tabata na e sitio
na su cabes y tur na sanger ela subi su auto y a bandona e sitio.
E doño di e garashi no tabata involvi den e pelea y mucho menos tabata tin algo di haber den esaki, ta e
dos personanan a cuminsa agredi otro dilanti di su garashi, maske no tabata tin niun cliente na e garashi
na momento di e sucedido, toch e ta lamenta loke a pasa dilanti di su garashi.

Pick up cu sla pa dilanti haya meymey linear park

1 min ago 0 0 Views

L.G.Smith Blvrd – Dialuna marduga durante patruya polis ta wak un pick up marca Ford, para meymey
caminda ariba linear park.
Polisnan a baha pa controla y ta wak cu e tire dilanti banda drechi ta destrui.
Por wak cu e pick up a dal tambe un palo di luz. Na e sitio no tawata tin niun hende, pues e chauffeur a
bandona e sitio.
Polis a tuma datos di e auto y a continua nan patruya, e pick up a keda na e sitio.