Page 44 - KPA

Dama na stuur di Hyundai Accent ta dal contra
muraya di un negoshi den Playa

3 mins ago 0 0 Views

Dwarsstraat – Diadomingo anochi den careda di 7’or polis a bay pazuid di salida Burger King na Playa.
Segun nos por a compronde na e sitio, e dama chauffeur di e Hyundai Accent aparentemente lo a bira
malo momento cu e tawata saliendo di e drive thru di Burger King.
Na luga di a primi brake, e lo a primi gasolin, accelerando e auto, ocasionando cu e la bay dal contra un
edificio den renobacion su dilanti.
Ambulance a presenta pa atende e dama y despues a transporte pa hospitaal.

Caso di hit and run altura di Blue Residence

1 min ago 0 0 Views

Eagle palm beach – Diadomingo mainta polis a bay un boksmento dilanti Blue residence na Eagle.
E boksmento tawata un caso di hit and run.
Segun nos por a compronde na e sitio, un jeep color blauw ta dal cu velocidad halto, tras di e Kia Rio.
Manera nada no a pasa e auto a sigui su caminda tambe.
Pero loke e chauffeur iresponsabel aki no a tene cuenta cune ta, cu nan a wak e number di auto.
Pues polis exactamente unda pa bay buske.

Hobencito herida, den accidente entre auto cu
bais

2 mins ago 0 0 Views

Edisonstraat – Diasabra atardi algo prome cu 5’or un accidente a sosode caminda auto a dal un mucha. E
mucha lo tawata ariba un bais.
Na yegada di polis e hobencito a bisa polis e tawata sinti dolor na su curpa.
Ambulance a presenta y a transporte pa hospitaal pa mas observacion.

Brommer a cay den greppel lagando un pareha
herida

1 min ago 0 0 Views

Sasaki – Diasabra marduga despues di mey anochi polis y ambulance ta ser pidi e caminda parti pabou di
rotonde Sasaki, cu ta bay sali na Eagle beach..
Eynan un brommer lo a accidenta y tin persona herida.
Na yegada di polis nan ta constata cu ta trata di un pareha y ta pidi pa dos ambulance.
Ambos tawata tin heridanan serio na pia.
Segun nos a compronde, e brommer biniendo di pariba pa un of otro motibo, lo no a bay hunto cu e
bocht pero a sigui straight y cay den e greppel.
Dos ambulance a presenta y a sacanan for di e greppel y asina transporta ambos pa hospitaal.

Dos persona ta keda herida den un pelea na
Shiribana, pa motibo di cobramento di un cent

1 min ago 0 0 Views

Shiribana – Diahuebs den oranan di merdia polis y ambulance ta wordo manda na un garashi na
shiribana caminda lo tabata tin un pelea entre dos persona y cu ambos persona tabata herida.
Na yegada polis y personal di ambulance ta wordo informa cu un di e personanan herida a bandona e
sitio caba y esun cu a keda na e sitio cu tambe tabata herida, ela wordo atendi pa personal di ambulance
y transporta pa hospital pa un checkeo medico mas avansa.