Page 46 - KPA

a12 riba caya
Diaranson 25 october 2017
Arma y plantacion di marihuana confisca durante entrada hudicial

ORANJESTAD - Ayera durante oranan di mainta re-
cherche di Sta Cruz y Ministerio Publico a realisa dife-
rente detencionnan. Aki ta trata di un investigacion
cu ta andando di un caso di arma di candela. A haci
entrada un hudicial na 3 diferente cas . E adresnan di e
entrada hudicial ta Noord Cura Cabai , Rooi Koochi y
Washington.

Durante e entrada hudicial a polis a detene 3 hende homber y
1 hende muhe di cual 2 ta Arubiano, 1 Jamaiquino y 1 Vene-
zolano. Tambe a logra confisca 2 arma di candela y a bin des-
cubri diferente plantacion di marihuana. AT , K-9, BFTO,
departamento di droga y personal di recherche ta e departa-
mentonan cu a forma parti den e entrada hudicial aki.
Cuerpo Policial ta sumamente satisfecho cu e resultado. No
ta descarta cu lo por tin mas detencion relaciona cu e caso aki.
Ta pidi pueblo pa keda duna informacion na tiplijn 11141. Bo
anonimidad ta garantisa.

Polis durante control

a haya machete y

droga

NOORD - Diasabra algo pasa di 12:30 marduga pa-
truya di Noord a topa cu un auto sospechoso den area
di Palm Beach.

Polis a para e auto pa asina haci un control y durante rista-
mento nan a bin haya droga y machete den e vehiculo. Polis a
detene e sospechosonan y a confisca tuma tur cos.

A haya auto horta for di turista

SAN NICOLAS - Diasabra durante oranan di atardi polis a presenta na un cas
bandona na Brazil pa un auto cu a wordo horta .

Na e sitio polis a bin constata u di berdad un Van nobo nobo a wordo laga atras banda di
e cas bandona. A resulta cu e auto aki a wordo uza y horta durante un atraco riba turista.
Recherche a wordo notifica y e auto a wordo confisca.