Page 42 - KPA

26 AWEMainta Diaranson, 25 October 2017

Trahadornan stranhero a haña informacion

durante Dia Contra Traficacion di Hende

KRALENDIJK - Dia 18 di òctober KPCN, OLB y Inspeccion
di Trabao a duna informacion na stranheronan cu ta traha na
Hulanda Caribense. E suministro di informacion akí a tuma
lugar den cuadro di combatimento di traficacion di hende y
explotacion laboral.

Agentenan Policial y Inspectornan di OLB y Inspeccion di
Trabao a hiba combersacion cu stranheronan tocante nan
derechonan ora ta trata di suèldo y tempo di trabou y tocante
otro derecho- y obligacionnan. En total a bishitá 29 sitio y a
duna informacion na 114 stranhero.

En coneccion cu esaki e stranheronan a haña un ‘flyer’ y un
foyeto den cua ta splica tur cos na un manera simpel y cu nan
por bolbe pasa den dje despues. A publicá e foyetonan den 4
idioma y por busca nan grátis na Unit di SZW.
E suministro di informacion a enfoká riba comercio por detal,
personanan cu ta haci trabou di cas y construccion.
Aunke intencion di e accion tabata pa duna informacion, a
topa tambe cu algun situacion cu ta rekerí mas investigacion.

E partidonan envolví lo investigá esakinan mas a fondo. Mas
aleu e stranheronan a duna di conocé n’e Inspector- y otro con-
troladornan cu e informacion tabata mas cu bon-biní. A base
di e señal akí Inspeccion di Trabao lo organisá na comienso di
otro aña anochinan di informacion pa tur stranhero cu ta traha
na Hulanda Caribense.

E iniciativa ta procedente di e grupo di trabou Traficacion y
Explotacion di hende cu ta consistí di partnernan di cadena
manera Polis (Rechèrche y Oficina pa Ayudo na víctima), IND,
Ministerio Público, Koninklijke Marechaussee, Voogdijraad,
Entidad Público y Asuntonan Social y Empleo.
Na jüni di e aña akí tur partner a firma e asina yamá ‘Conv-
enant Themaregister’. Intencion di e convenio akí ta pa atendé
efectivamente cu prevencion y combatimento di traficacion/
explotacion di hende pa medio di cooperacion entre e diferente
partnernan di cadena.