Page 49 - KPA

14 AWEMainta Diahuebs, 16 November 2017

Muhe agresivo

a morde un otro

na cara y brasa

DIAMARS pa mas o menos 4’or y 15 di marduga, presencia di

polis ta wordo pidi cu hopi urgencia na un compleho di apartamento

den Figaroastraat. E persona cu a yama no a duna motibo pero ta-
bata hopi agita y ta papia di un bringamento.

Mesora manda dos patruya na e sitio. E prome Polis cu a yega na e
sitio ta topa cu e dama PT, kende ta grita pidiendo pa ayudo pa un

pelea den e cura.

E Polis a mira dos muhe na vloer ta bringando cu otro. Mesora el a
trata di separa nan for di otro, pero esaki a resulta imposibel, paso-

bra nan tabata hopi agresivo. A dicidi di haci uzo di klop, pero esaki

tampoco a yuda, y na un forma tactico a logra separa nan for di otro
y a pone esun mas agresivo den boei mesora.

E otro muhe tira na suela a resulta SY, naci na Aruba (21) y biba

na Cunucu Abou. El a splica e polisnan cu mas tempran el a duna
e muhe CS un lift pa su cas. Na caminda el a constata cu e muhe

tabata bou influencia di un of otro substancia ya u e tabata hopi
agresivo y no kier a drenta paden. CS ta biba na un apartamento den

Figaroastraat.

Di otro banda e señora PT ta bisa cu e muhe CS a drenta su aparta-
mento y a sali cu su yiu di un aña pafo. Mirando cu CS tabata bou

influencia di un of otro substancia y tabata hopi agresivo, pa siguri-
dad a kita e mucha for di dje y a core subi e trapi pa su apartamento

na di dos piso pa evita cu e muhe CS ta haci algo cu su yiu.

E muhe CS a reacciona cogiendo un piedra blanco cu el a tira contra
e bentana y a kibra e glas. Ora cu PT a sali bek pafo, e muhe a cum-

insa menasa e dosnan cu morto, cu su casa lo caba cu nan. Y aki CS

a cuminsa maltrata SY. El a trata di separa nan for di otro pero sin re-
sultado. SY a haya mordi na su brasa drechi ariba y na su cara banda

drechi. Mirando e situacion, Polisnan a dicidi di detene e muhe CS,

naci na Colombia di 36 aña pa destruccion, menasa y maltrato.
Ta parce cu mas tempran ya caba asistencia a wordo pidi pa e muhe

CS na un club nocturno na Palm Beach, unda e dama agresivo aki ta-
bata culpa e otronan di a horta su tas. Polis a bay caba pa e problema

aki na e club nocturno y mirando cu e dama tabata bou influencia a

hib’e na su apartamento pa e sosega. Pero cos no a keda keto.
Polis a pidi pa presencia di ambulance pa trata ambos.